Inot na Samuel

29 Tiniripon kan mga Filisteo+ sa Afek an gabos nindang hukbo, mantang an mga Israelita nagkakampo sa may burabod sa Jezreel.+ 2 Asin nagmartsa an mga tagapamahala kan mga Filisteo kaiba an saindang mga suldados na grinupo-grupo nin mananggatos saka manangribo; kasunod nindang nagmamartsa si David saka an saiyang mga tawuhan kaiba ni Akis.+ 3 Alagad nagsarabi an mga pamayo* kan mga Filisteo: “Ano an ginigibo digdi kan mga Hebreong ini?” Nagsimbag si Akis sa mga pamayo* kan mga Filisteo: “Siya si David, an lingkod ni Hading Saul kan Israel. Sarong taon ko na siyang kaibanan o labi na gayod.+ Puon kan aldaw na magdulag siya pasiring sako sagkod sa aldaw na ini, mayo man akong nahiling na ano man na sála sa saiya.” 4 Pero naanggot na marhay sa saiya an mga pamayo* kan mga Filisteo, asin nagsarabi sinda: “Papulion mo na an lalaking iyan.+ Pabalika na siya sa lugar na itinao mo sa saiya. Dai mo siya pagpaibanon sa sato sa ralaban, ta tibaad kita an kalabanon niya pag naglalabanan na.+ Ta an pinakamarahay na paagi para makua niya an pag-uyon kan kagurangnan niya iyo na madara niya sa saiya an mga payo kan mga tawuhan ta, bako? 5 Saka, bakong iyo ini an David na sa saiya sinda nagkakaranta mantang nagbabarayle na sinasabi:

6 Kaya ipinaapod ni Akis+ si David asin sinabi niya sa saiya: “Isinusumpa ko sa ngaran kan buhay na Diyos na si Jehova, matanos kang tawo, saka gusto kong paibanon ka sa sakong hukbo sa pakikipaglaban,+ ta puon kan aldaw na mag-abot ka sako sagkod sa aldaw na ini, mayo akong nahiling na ano man na sála sa saimo.+ Kaso mayong tiwala sa saimo an ibang tagapamahala.+ 7 Kaya magpuli kang may katuninungan; dai ka maggibo nin ano man na ikakaanggot kan mga tagapamahala kan mga Filisteo.” 8 Alagad sinabi ni David ki Akis: “Taano? Anong ginibo ko? Anong sála an nahiling mo sa saimong lingkod puon kan aldaw na mag-abot ako sa saimo sagkod sa aldaw na ini? Taano ta dai ako puwedeng mag-iba sa pakikipaglaban sa mga kalaban kan kagurangnan kong hadi?” 9 Nagsimbag si Akis ki David: “Para sako, marahay ka kapareho nin sarong anghel nin Diyos.+ Pero nagsarabi an mga pamayo* kan mga Filisteo, ‘Dai mo siya pagpaibanon sa sato sa ralaban.’ 10 Kaya sa aga, amay kang magbangon saka an mga lingkod kan saimong hadi na nag-iriba sa saimo; amay kamong magbangon asin pagliwanag tulos, maghali na kamo.”

11 Kaya amay na nagbangon si David saka an mga tawuhan niya tanganing magbalik sa daga kan mga Filisteo, asin nagturukad pasiring sa Jezreel+ an mga Filisteo.