Pahina Dos

“Naglalagawlagaw sinda sa mga grupong garo gitano, natutorog sa mga tubo sa imburnal, sa pano-pano nin kino na mga bodega nin pinabayaan na mga edipisyo o sa mga kanto nin tinampo sa miserableng mga tambak. An saindang mga higdaan iyo an pakit na mga diaryo, an saindang gubing mga kapidaso sana nin tela. An saindang mga panahon ginamit sa paghihidali, prostitusyon asin saradit na krimen. Binibiktima ninda an lambang saro siring man an nag-aaragi.” Sairisay sinda? Mga aki sa tinampo na nag-iistar sa dakulang siudad sa Latin-Amerika, an pagbabareta kan magasin na Time. Alagad tibaad sinda an daing istaran na hoben sa haros arin man na mayor na siudad sa kinaban. Minilyon sinda, asin an saindang bilang nag-oorog sagkod sa magin rekord.