Puon sa Inot na Hadi nin Israel Sagkod sa Pagkabihag sa Babilonya

Si Saul an nagin inot na hadi nin Israel. Pero naiwara niya an pag-uyon ni Jehova, asin si David an piniling magsalida saiya bilang hadi. Dakul kitang maaaraman manungod ki David. Kan solterito pa siya, linabanan niya an higanteng si Goliat. Kan huri, nagdulag siya ki Hading Saul, na nauuri saiya. Tapos, pinugulan siya kan magayon na si Abigail tanganing dai makagibo nin sarong kamangmangan.

Sunod, dakul kitang maaaraman manungod sa aki ni David na si Solomon, na nagsalida ki David bilang hadi nin Israel. An inot na tulong hadi nin Israel namahala nin tigku-40 taon. Pagkagadan ni Solomon, an Israel nabanga sa duwang kahadian, an norte asin an timog.

An sampulong tribong kahadian sa norte naghaloy nin 257 taon bago iyan pinabagsak kan Asiria. Pakalihis nin 133 na taon, an duwang tribong kahadian sa timog buminagsak man. Dinarang bihag sa Babilonya an mga Israelita. Kaya, bali 510 na taon nin kasaysayan an laog kan Kabtang KUWATRO. Sa kabtang na ini, dakul kitang mababasang istorya na nakakapukaw nin buot.