Introduksion
Linalang daw an buhay, o ika daw resulta lang nin nagkanorongod sanang mga pangyayari na mayo nin nagdirehir? Pira sanang hapot an arog kaiyan kakontrobersial. Pero, mahalagang marhay an simbag. Tinotokar kan brosyur na ini an mga hapot na arog nin:
An satong planeta daw dinisenyo tanganing may mabuhay?
Ano an manonodan niato sa mga disenyo na naheheling sa naturalesa?
An tokdo daw nin ebolusyon marigon na nakabasar sa kun ano an totoo?
Napahimutikan daw nin siensia an sinasabi kan Biblia dapit sa paglalang?
Taano ta mahalaga kun ano an pinaniniwalaan mo?