KABTANG 14

Paano Mo Maipapahiling na Maimbod Ka ki Jehova?

Kumampi sa Diyos. 1 Pedro 5:6-9

Sarong Kristiyano na habong makilabot sa palsong relihiyon o sa pulitika

Likayan an mga kaugalian na bakong kauyon kan Bibliya. Kaipuhan an kusog nin buot tanganing magibo ini.

Dai makilabot sa pulitika; dai iyan nagsusuportar ki Jehova asin sa Kahadian niya.

Gibuhon an tamang desisyon—magdangog sa Diyos. Mateo 7:24, 25

Sarong lalaking nag-atender sa pagtiripon sa Kingdom Hall asin nakikipag-adal nin Bibliya sa saro sa mga Saksi ni Jehova

Makiiba sa mga Saksi ni Jehova sa mga pagtiripon ninda; tatabangan ka ninda na magin harani sa Diyos.

Padagos na mag-adal manungod sa Diyos asin hinguwahon na sunudon an mga tugon niya.

Sarong lalaki na nagdudusay ki Jehova sa pamibi, dangan nagpabawtismo

Pag makusog na an saimong pagtubod, dapat mong idusay an saimong buhay ki Jehova asin magpabawtismo.—Mateo 28:19.

Magdangog sa Diyos. Basahon an Bibliya, asin magpatabang sa mga Saksi ni Jehova na masabutan iyan. Dangan, isabuhay an nanunudan mo. Kun gigibuhon mo iyan, mabubuhay ka nin daing katapusan.—Salmo 37:29.