Pag-aguman
Paano nagpuon an pag-aguman?
Siisay an dapat na pilion kan sarong Kristiyano na magin saiyang agom?
Taano ta dai mauyon an sarong tunay na Kristiyano sa pag-agom kan saiyang aking lalaki o babayi nin saro na bakong dusay asin bawtisadong lingkod ni Jehova?
Halimbawa sa Bibliya:
Ge 24:1-4, 7—An gurang nang si Abraham determinado na maghanap para sa aki niyang si Isaac nin maaagom sa mga naglilingkod ki Jehova, bakong sa mga Canaanita, na nagsasamba sa ibang mga diyos
Ge 28:1-4—Sinabihan ni Isaac an aki niyang si Jacob na maghanap nin maaagom sa mga kapagtubod, bakong sa mga Canaanita
Ano an namamati ni Jehova sa mga nag-aagom nin bakong kapagtubod?
Halimbawa sa Bibliya:
1Ha 11:1-6, 9-11—Naanggot na marhay si Jehova ki Hading Solomon huling binaliwala niya an mga patanid nin Diyos, nag-agom nin mga babaying taga ibang nasyon, asin tinugutan an mga ini na impluwensiyahan an saiyang puso
Ne 13:23-27—Arog ni Jehova, nakamati si Gobernador Nehemias nin matanos na kaanggutan kaya dinisiplina niya asin itinanos an mga lalaking matagas an payo na nag-agom nin mga bakong kapagtubod na taga ibang nasyon
Taano ta sarong kadunungan na pumili nin maaagom na maimbod na naglilingkod ki Jehova asin igwa nin marahay na reputasyon?
Hilingon man an Efe 5:28-31, 33
Halimbawa sa Bibliya:
1Sa 25:2, 3, 14-17—Si Nabal mayaman, pero maisog siya asin mapang-abuso, kaya bako siyang marahay na agom ki Abigail
Tal 21:9—An pagpili nin bakong angay na maaagom puwedeng magtao sato nin kamunduan asin makahali kan satong katuninungan
Ro 7:2—Ipinaliwanag ni apostol Pablo na pag nag-agom an sarong babayi, napapasairarom siya sa awtoridad kan saiyang bakong perpektong agom; kaya, an sarong madunong na babayi magigin maingat sa pagpili nin maaagom
Pag-andam para sa pag-agom
Taano ta an sarong lalaki dapat na andam nang bumuhay nin pamilya bago siya mag-isip na mag-agom?
Halimbawa sa Bibliya:
Tal 24:27—Bago an sarong lalaki mag-agom asin magkaigwa nin mga aki, dapat siyang magin mahigos sa pagtrabaho para andam siyang sustentuhan an saiyang pamilya
Taano ta an magkailusyon dapat na maghagad sa iba nin madunong na mga sadol asin midbidon na marhay an kada saro imbes na magparapokus sa pangluwas na itsura?
Halimbawa sa Bibliya:
Ru 2:4-7, 10-12—Namidbid na marhay ni Boaz si Ruth paagi sa pag-obserbar kun gurano ini kahigos sa trabaho asin paagi sa pagkonsiderar sa masasarigan na mga istorya mapadapit sa reputasyon kaini, sa pagtratar kaini sa saiyang mga kapamilya, asin sa espirituwalidad kaini
Ru 2:8, 9, 20—Namidbid na marhay ni Ruth si Boaz paagi sa pag-obserbar sa kabuutan kaini, sa pagigin bukas-palad, asin sa pagkamuot kaini ki Jehova
Taano ta hinahagad ni Jehova sa magkailusyon na magdanay na malinig sa moral sa panahon kan saindang pag-ilusyunan asin pagigin magkatrato?
Halimbawa sa Bibliya:
Tal 5:18, 19—May nagkapirang pisikal na kapahayagan nin pagkamuot na para sana sa mag-agom
Sol 1:2; 2:6—Sa saindang pag-ilusyunan, an lalaking pastor asin an daragang Sulamita nagpahiling sa kada saro nin malinig na mga kapahayagan nin pagkamuot, bako nin maating mga kapahayagan nin seksuwal na hurot
Sol 4:12; 8:8-10—An babaying Sulamita nagdanay na malinig sa moral asin nagpahiling nin pagpupugol sa sadiri; siring siya sa sarong hardin na nababaratan
Taano ta an magkatrato dapat na ikasal sigun sa kahagadan kan ley?
An papel kan agom na lalaki
Anong magabat na mga responsabilidad an itinao sa agom na lalaki?
Kiisay na halimbawa an dapat na arugon kan Kristiyanong agom na lalaki sa paggamit kan saindang pagkapayo?
Taano ta mahalaga na magin mapagmansay asin magin mamumuton an agom na lalaki sa saiyang agom?
Halimbawa sa Bibliya:
Ge 21:8-12—Sinabihan ni Jehova si Abraham na magdangog sa saiyang agom dawa ngani dai gusto ni Abraham an suhestiyon ni Sara
Tal 31:10, 11, 16, 28—An madunong na agom kan sarong may kakayahan na agom na babayi, arog kan ilinadawan sa mga bersikulong ini, bakong dominante asin mapaghanap nin sala; imbes, nagtitiwala siya sa saiyang agom asin inuumaw niya ini
Efe 5:33—Ipinaparisa kan ipinasabong na tataramon ni apostol Pablo na an agom na babayi igwa nin espesyal na pangangaipo na mamati an pagpadangat saiya kan saiyang agom
An papel kan agom na babayi
Anong mahalagang asignasyon an itinao ni Jehova sa mga Kristiyanong agom na babayi?
Masasabi daw na menos an papel kan agom na babayi?
Halimbawa sa Bibliya:
Tal 1:8; 1Co 7:4—Sa pag-aguman asin buhay pampamilya, an agom na babayi asin ina igwa man nin awtoridad na tao nin Diyos
1Co 11:3—Ipinaliwanag ni apostol Pablo na sa areglo ni Jehova, an gabos nasa irarom nin pagkapayo apuwera sana sa Diyos na Makakamhan sa Gabos
Heb 13:7, 17—Sa laog kan kongregasyon, an mga lalaki asin babayi parehong kaipuhan na magpasakop asin sumunod sa mga naasignaran na manginot
Paano mapapaugma si Jehova kan sarong Kristiyanong agom na babayi na an agom bakong kapagtubod?
Taano ta dapat na padagos na irespeto kan sarong Kristiyanong agom na babayi an saiyang agom?
Halimbawa sa Bibliya:
Ge 18:12; 1Pe 3:5, 6—Pinahilingan ni Sara nin hararom na paggalang an saiyang agom asin sa isip niya inapod niya pa ngani ining saiyang “kagurangnan,” o espirituwal na payo
Anong klaseng agom na babayi an inuumaw sa Bibliya?
Halimbawa sa Bibliya:
Ge 24:62-67—Tinabangan ni Rebeca an saiyang agom na si Isaac na makamati nin karangahan pagkatapos na magadan an ina kaini
1Sa 25:14-24, 32-38—Prinotektaran ni Abigail an saiyang mangmang na agom asin ilinigtas an saiyang mga kairiba sa harong paagi sa mapakumbabang pakikimahirak ki David
Est 4:6-17; 5:1-8; 7:1-6; 8:3-6—Duwang beses na isinapeligro ni Reyna Esther an saiyang buhay paagi sa pag-atubang sa saiyang agom, an hadi, dawa dai siya kaini ipinapaapod, para makimahirak na protektaran an banwaan nin Diyos
Pagresolber sa mga dai pagkakaintindihan
Anong mga prinsipyo an makakatabang sa mag-agom na maresolberan an mga problema sa saindang pag-aguman?
Anong mga prinsipyo an makakatabang sa mag-agom na magkaigwa nin balanseng pagmansay sa kuwarta?
Lu 12:15; Flp 4:5; 1Ti 6:9, 10; Heb 13:5
Hilingon man an “Kuwarta”