An Awake! Nakatabang na Ganahon an Premyo sa Italia

Kan sarong taon an dies anyos na aking babae na nag-eeskuwela sa Italia nagsurat nin sarong komposisyon sa temang “Kun Makapagtataram Sana an Daga.” An tema ipinaliwanag bilang pag-oolay kan daga asin nin sarong omboy na naghapot sa daga kun taano ini ta naghihibi. Ipinaliwanag kan aking babae:

“Nagsimbag an daga na iyan naatian kan maating dampog na nagbunga nin paghimbong. An daga nagpadagos na magtaram sa omboy asin nagsabi na sa dai na mahahaloy mababago an mga bagay asin magigin mas marahay an ngapit kaiyan, sa ibong kan ginigibo nin tawo. An paglaom kan daga yaon sa Dios na Makakamhan sa gabos, an Kaglalang kaiyan, na dai naglalang sa daga na daing kamanungdanan kundi na iyan pag-istaran.—Isaias 45:18.”

Sinabi pa kan aking babae: “Kinua ko an impormasyon sa mga magasin na Awake! kan Hulyo 22, 1989; Setyembre 8, 1989; asin Setyembre 22, 1989. Huli sa mga magasin na ini, nagprimera an sakong komposisyon. An nagsegunda saro sa mga kaklase ko na an ina rinarasyonan nin magasin kan sakong ina. Nagkua man sia nin impormasyon sa mga magasin na iyan na Awake!

“Nagpapasalamat ako sa saindo para sa marahay asin tama saka simple man na impormasyon na nagpapadonong sa samo. An premyong ginana ko sa halagang 100,000 lira [mga $100, E.U.], asin ipinadara ko an kuwartang ini tanganing gamiton sa pag-imprenta nin mas dakol pang magasin.”

Sa paghona mi minsan ano an saindong relihiyon, makikinabang man kamo sa nakawiwiling mga artikulo sa Awake!

Boot kong maaraman kun paanong mahihimo na ipadara sa harong ko an magasin na Awake! (Sumurat sa adres na nasa ibaba para sa impormasyon. Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 2.)