“Dagdagan Pa Niato an Pagbasa Bago Kita Magtuya”

IYAN an sinabi nin sarong taga-New Zealand mapadapit sa An Torrengbantayan, an magasin na binabasa nindo. Mapadapit sa sarong artikulo manongod sa langitnon na karuwahe nin Dios na sinasabi sa Ezequiel kapitulo 1, an tawo nagsurat:

“An kada saro sa apat na buhay na linalang na ini, o mga kerubin, igwa nin apat na pakpak asin apat na lalauogon. Igwa sinda kan lalauogon nin leon, na nagpapamidbid kan hustisya ni Jehova; lalauogon nin baka, na nagrerepresentar sa kapangyarihan nin Dios; lalauogon nin agila, na nangangahulogan kan saiyang kadonongan; asin lalauogon nin tawo, na nagtotokdo sa pagkamoot ni Jehova.

“Pakabasa kaini nin paorootro, nagkaigwa ako nin mainit na pagmate sa laog kan sakong puso. Napaluha ako, mga luha nin kagayagayahan. An tolos kong napag-isip-isip, ‘Kanigoan kagayon asin karahay mo, Jehova!’ Talagang namomongnan ako sa sakong sadiri huli sa bagong mga pagmateng ini dapit kaining Jehova Dios na tinuya ko sa laog nin dakol na taon, huling kinabanon na tawo ako. Nagsasabi akong ‘salamat’ sa mga Saksi ni Jehova, asin sa dakol na arog sako, nagsasabi akong, ‘Dagdagan pa niato an pagbasa bago kita magtuya.’”