An Dios daw an Namamahala sa Kinaban?

DOMINGONG aga ngonyan. Dakol na tawo an minabangon, nagbubulos, namamahaw, asin naghihidali paduman sa simbahan. Duman naghihinanyog sinda sa sarong sermon manongod sa kun paano an Dios supremong namamahala sa daga, dai mapantayan sa autoridad. Sinasabihan sinda na odok an saiyang pagmakolog sa mga tawo. Nasasambitan man si Jesu-Cristo. Tibaad madangog ninda na sia an Hade nin mga hade na sa saiya an gabos na tuhod minaluhod sa pagkuyog.

Pag-abot ninda sa harong hale sa simbahan, tibaad buksan kan mga tawong ini an telebisyon asin dalanon an mga bareta. Ngonyan nadadangog ninda an manongod sa gutom, krimen, pag-abuso sa droga, pagtios. Asin naheheling ninda an kaherakherak na mga kamugtakan nin helang asin kagadanan.

An siring na mga indibiduwal tibaad magpoon na mag-isip-isip manongod sa mga nadangog ninda sa simbahan asin nangorogna manongod sa mga bagay na nungkang ipinaliwanag duman. Kun an Dios kapwa mamomoton asin makapangyarihan sa gabos, taano ta nangyayari an makaturotristeng mga bagay? Asin kumusta man si Jesu-Cristo? Malinaw nanggad, dakol na tuhod an dai minaluhod sa pagkuyog sa saiya.

[Retrato sa pahina 3]

Kun an Dios an namamahala sa kinaban, taano ta igwa nin labi-labing pagsakit asin kariribokan?

[Pasasalamat para sa pinagkuanan kan retrato sa pahina 2]

Cover: NASA photo