Mga Diosa nin Pagkamainaki Asin Guerra
DURANTE nin arkeolohikong kampanya sa Ebla, Siria, sarong relikya an nadiskobre na naglaladawan ki Istar, an diosa nin pagkamainaki asin guerra sa Babilonya. Ilinaladawan iyan kan arkeologong si Paolo Matthiae na sarong “selyo na silindriko an korte na may retrato nin kulto na nagpapaheling nin sarong nakasuklob na saserdotisa na nasa atubangan nin sasarong banal na imahen . . . na an payo kaiyan nakatakod sa sarong halangkaw na sadit na tukod.”
Makahulogan an diskobremiento, ta an imahen kaidto pang kapinonan kan ika-18 siglo B.C.E. Sono ki Matthiae, ini nagtatao nin “dai mapagdududahan na prueba” na an pagsamba ki Istar luminawig nin mga 2,000 na taon.
An pagsamba ki Istar nagpoon sa Babilonya asin kan suminunod na mga siglo luminakop sa bilog na Imperyo nin Roma. Pinagbotan ni Jehova an mga Israelita na haleon an gabos na gira nin falsong relihion hale sa Dagang Panuga, alagad huling dai ninda iyan nagibo, an pagsamba ki Astoret (an katimbang ni Istar sa Canaan) nagin siod sa sainda.—Deuteronomio 7:2, 5; Hokom 10:6.
Minsan ngani mayo na si Istar asin an saiyang katimbang na si Astoret, lakop an mga ugale na saindang irinepresentar—an inmoralidad asin kadahasan. Tibaad marahay na ihapot niato kun baga an modernong sosyedad talagang laen na marhay sa suanoy na mga sibilisasyon na idto na nagsamba sa mga diosang ini nin pagkamainaki asin guerra.
[Retrato sa pahina 20]
An mga aki iinatang man ki Tanit
[Pasasalamat para sa pinagkuanan]
Ralph Crane/Bardo Museum