“Gibo Iyan ni Jehova”

Iyan an titulo nin sarong artikulo sa El Norte, sarong diaryo sa Siudad nin Monterrey, Mejico. An artikulo manongod sa sarong bagong Assembly Hall nin Mga Saksi ni Jehova.

An Monterrey sarong siudad na may populasyon na 2,300,000 (kabale an mga gilid-gilid) sa amihanan na parte nin Mejico, asin igwa iyan nin 19,200 na parahayag kan Kahadean. Sa laog nin mga saro may kabangang taon, pinagsararo kan mga Saksi an saindang mga paghihingoa na magtogdok nin sarong magayon asin praktikal na Assembly Hall na may 3,000 na komportableng tukawan asin pampalipot. Naggayagaya an lokal na mga Saksi kan itao nin sarong miembro kan Namamahalang Grupo kan Mga Saksi ni Jehova an pahayag sa dedikasyon. Kabale sa programa an sarong halipot na kasaysayan kan gibohon sa Monterrey, asin nagkaigwa nin mga interbio sa mga nakikabtang sa konstruksion. Dangan an 4,500 na nag-atender sa pagtiripon naogma sa pahayag sa dedikasyon.

Ini an ikatolo sa dai pa sana nahahaloy na itinogdok na mga Assembly Hall sa Mejico sa inapod na sarong kampanya para sa “Mas Dakol, Mas Dakula, Asin Mas Marahay na mga Kingdom Hall Asin Assembly Hall.”

May labing 443,000 na parahayag sa Mejico, asin 1,492,500 na nag-atender sa Memorial kan 1995, an bagong mga Assembly Hall, siring baga kan saro na nasa Monterrey, siertong magseserbi sa katuyohan nin Dios.