“Kitang mga Katoliko Kadakol na Manonodan sa Sainda”
INI an ikinomento nin sarong maestra sa Bari, Italia, manongod sa Mga Saksi ni Jehova durante kan saiyang klase sa haiskul manongod sa kasaysayan nin relihion. Sinabi kan maestra sa klase na magamit sia nin mga videocassette bilang pantabang sa pagtotokdo. Kan madangog ini, an saro sa mga estudyante, an 18 anyos na si Roberto, nagsuherir na iiba sa orolay an saiyang relihion. Iinalok nia sa saiya an video na Jehovah’s Witnesses—The Organization Behind the Name. Inako nia an alok ni Roberto, asin an video nadalan kan bilog na klase nin mga 30 estudyante. “An gabos naghanga sa pagkasararo, pagkaorganisar, asin sa hararom na pagkamoot na yaon sa tahaw kan Mga Saksi ni Jehova,” an sabi ni Roberto. “Orog pa ngani sindang napangalas kan maaraman na 40 milyones na kopya kan An Torrengbantayan asin 36 milyones na kopya kan Awake! an iniimprenta kada bulan.”
“Dai ko honaon na organisado kamong marhay,” an komento kan nagkapira sa mga kaklase ni Roberto kan madalan an video. Mapadapit sa Mga Saksi ni Jehova, an maestra nagsabi sa klase: “Masdan nindo kun paano sinda pinahihiro kan saindang pagtubod na magkasararo asin magin organisadong marhay. Kitang mga Katoliko kadakol na manonodan sa sainda.” An video asin an suminunod na orolay kan klase dakula an nagibo sa pagpalakop nin mas marahay na pakasabot dapit sa Mga Saksi ni Jehova.