“Paglayag sa Dagat na May Bagyo”

DAI daw nindo mamansayon an siring na paglayag bilang sala sa panahon, mangmang, asin posibleng kapahapahamak? Minsan siring, an nagkapira pinupuersa an saindang sadiri sa siring na situwasyon sa piguratibong paagi. Taano man? An autor na taga Inglaterra na si Thomas Fuller kaidtong ika-17 siglo nagsabi: “Dai maghiro kun anggot na marhay. Iyan kaagid nin paglayag sa dagat na may bagyo.”

An paggibo nin aksion mantang dai nakokontrol an kaanggotan puedeng magkaigwa nin makaturotristeng mga resulta. Ini pinatutunayan nin sarong pangyayari na nasusurat sa Biblia. Si Simeon asin Levi, mga aki kan suanoy na patriarkang si Jacob, buminalos sa paglupig sa saindang tugang na si Dina paagi sa pagsalakay na may benggatibong kaanggotan. An resulta lagdoan na paggadan asin pagsamsam. Bakong makangangalas na kinondenar ni Jacob an saindang maraot na ginibo, na nagsasabi: “Nagdara kamo nin ostrasismo sa sako sa paggibo sa sako na magin mabata sa mga nag-eerok sa daga.”—Genesis 34:25-30.

Madonong na irinerekomendar kan Tataramon nin Dios, an Biblia, an kabaliktaran na gawe. Iyan nagsasabi: “Pabayaan an kaanggotan asin rumayo sa kabangisan; dai ka magpaheling nin kaanggotan tangani sanang makagibo nin maraot.” (Salmo 37:8) An pagkuyog sa sadol na iyan puedeng makaolang sa dakulang mga kasalan.—Eclesiastes 10:4; helingon man an Talinhaga 22:24, 25.