An Pagtao na Mahalagang Marhay sa mga Mata ni Jehova

An minasunod na surat naresibi kan sangang opisina kan Mga Saksi ni Jehova sa Mozambique:

“Saro po akong siete anyos na aking lalaki. Nag-eeskuela pa po ako sa elementarya. Ipinapadara ko po an kuartang ini na naganar ko sa pagpadakula nin siyo. Ipinabakal ko po iyan sa kantidad na 12,000 Meticais [$1, E.U.]. Nagpapasalamat po ako ki Jehova na pinadakula nia an enot na inataman kong siyo na magin lalong. Gusto ko po na gamiton an sakong regalo para sa gibohon kan Kahadean ni Jehova.

“PS: Tinabangan po ako kan sakong ama sa paggibo kan surat na ini.”

Iinaasosyar kan nagkapira an pagigin buka an palad sa mga minasobra an materyal na mga bagay. Minsan siring, kun binabasa niato an pagkasaysay kan Biblia may labot sa balo na nagholog sa kaha nin kayamanan nin “duwang saradit na sinsilyo na kadikiton an halaga,” masasabotan niato na an pagigin buka an palad masosokol, bakong sa kadakolan, kundi sa tamang inklinasyon kan puso.​—Lucas 21:​1-4.

Inaapresyar ni Jehova an lambang regalo, gurano man kasadit, na hale sa puso na minomotibar nin pagkamoot. Asin binebendisyonan nia nin igo an mga nag-aarog sa saiya sa pagigin buka an palad paagi sa pagtao kan saindang panahon, kosog, o materyal na kayamanan para sa saiyang Kahadean.​​—Mateo 6:​33; Hebreo 6:10.