Magpapayunir daw Kamo Ngonyan na Nobyembre?
1 An Nobyembre sarong bulan na satong pinagmamaigotan na gumamit nin orog kisa sa ordinaryong pa-nahon sa paglilingkod sa langtad. Sa dakol na kabtang kan nasyon an panahon parateng orog na paborable pakatapos kan maoran na panahon. Siring man, kadakol na paraoma an tibaad igwa nin orog na panahon huli to nakaani na kan saindang mga tinanom.
2 Durante kan Nobyembre nin 1987 nagkaigwa kita nin 4,825 sa gibohon na auxiliary payunir. Alagad, nagbaba ini sa 2,257 kan Nobyembre, 1988. Posible daw na mapakosog an mas dakol tanganing makikabtang sa gibohon na ini sa Nobyembre kan taon na ini? Mantang igwa na kita ngonyan nin labi sa 2,860 kongregasyon, kun an lambang kongregasyon makareport nin minsan duwang auxiliary payunir pasil sanang malampasan niato an satong bilang kan Nobyembre, 1987. Asin mayong duwa-duwa na an dakol na mas darakulang kongregasyon magkakaigwa nin mas dakol pa kaini.
3 Namangno na kun saen an mga magurang asin ministeryal na lingkod nangengenot sa pag-auxiliary payunir, kadakol sa kongregasyon an napakokosog na makikabtang man. An mga regular payunir puwedeng magin tunay na panpakosog sa iba tanganing ibanan sinda sa gibohon na pagpayunir. Kaya pinakokosog niamo an gabos na magplano nin patienot asin, kun an saindong mga kamugtakan puwedeng bagohon tanganing magibo iyan, magin sarong auxiliary payunir sa Nobyembre.