Mga Paisi
◼ Alok sa Agosto: Arin man sa mga brochure sa kontribusyon na ₱6.00. Setyembre: An librong Mabuhay Sagkod Lamang iyo an gagamiton, asin maninigong hingoahon na makapoon nin mga pag-adal sa Biblia. An dakulang edisyon sa Ingles sa kontribusyon na ₱60.00 asin an sadit na edisyon sa kontribusyon na ₱30.00. Oktubre: Sarong taon na suskripsion sa Awake! sa kontribusyon na ₱80.00. Nobyembre: New World Translation sa Ingles o Ang Banal na Kasulatan sa Tagalog kaiba an The Bible—God’s Word or Man’s? sa kontribusyon na ₱100.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).
◼ An kada kongregasyon makareresibi nin duwang porma nin Literature Inventory (S-18) kaiba kan saindang accounts statement para sa Hunyo. Tabi aktual na bilangon an gabos na literaturang nasa istak asin llenaran nin kompleto an mga porma, na ibuelta an orihinal sa Sosyedad dai malihis sa Setyembre 6. Sarayon an duplikado sa saindong file.
◼ An sekretaryo sa kongregasyon titiponon an mga report sa paglilingkod tanganing ikasurat sa pormang Congregation Analysis Report (S-10). Maingat man niang tatawan nin instruksion an siisay man na magurang o ministeryal na lingkod na tibaad katabang nia sa pagtipon kan report. Sisiertohon kaini an tamang paglista kan kaipuhan na impormasyon gikan sa mga Congregation Publisher Record card (S-21). An pormang Congregation Analysis Report (S-10) maninigong llenaran nin tama asin malinig patin maingat na siyasaton kan komite sa paglilingkod.
◼ Puede nang ipadara ngonyan sa Sosyedad an mga pedido para sa 1996 Yearbook asin kalendaryo. Ipadadara mi an espesyal na Yearbook and Calendar Order Blank sa kada kongregasyon kaiba kan statement of accounts sa Hunyo. Pagkaresibi nindo kaini, llenaran iyan asin ibuelta sa Sosyedad dai malihis sa Agosto 15. An kontribusyon sa Yearbook ₱30.00. An mga regular asin espesyal payunir na nasa lista poon Hulyo 1, 1995 o bago pa an petsang iyan puedeng umako nin libreng kopya kan Yearbook, asin an kongregasyon mahagad nin credit para kaini sa pormang Remittance and Credit Request (S-20) pagpadara ninda nin bayad pagkaresibi kan mga Yearbook. An mga payunir puedeng kumua nin dugang na mga kopya na iwawaras sa mga tawong dai pa nagdusay sa kontribusyon na ₱20.00 an saro. Tabi iseparar an libreng mga kopya sa mga kinua sa kantidad sa payunir kun naghahagad nin credit. An kalendaryo ₱20.00 asin mayo nin kantidad sa payunir para digdi, ni na tatawan nin libre an mga payunir.
◼ Maninigong ipadara na man ngonyan an mga pedido para sa Pagsiyasat sa Kasuratan Aroaldaw—1996. Ini ipupublikar sa gabos na tataramon. Ipadadara mi an espesyal na order blank para kaini kaiba kan statement para sa Hunyo. Tabi llenaran ini, na ipinaheheling an bilang na kaipuhan nindo sa kada tataramon, asin ibuelta iyan sa Sosyedad dai malihis sa Agosto 15. An kontribusyon ₱10.00 sa mga parahayag. Puedeng tawan nin sarong libreng kopya an kada espesyal asin regular payunir na nasa lista poon kan Hulyo 1, 1995. An ekstrang mga kopya sa payunir ₱5.00. Maninigong hagadon an credit arog kan sa Yearbook.
◼ Igwa pa nin panahon para sa mga nagpaplanong pumoon na magregular payunir sa Setyembre 1, 1995 na itao an saindang aplikasyon. Kun iyan inaprobaran kan komite sa paglilingkod maninigong ipadara iyan na daing pag-atraso sa Sosyedad tanganing an pag-aprobar maresibi bago Setyembre 1.
◼ Kun an saindong kongregasyon nangangaipo nin ekstrang mga magasin sa Oktubre huli sa kampanya sa suskripsion, tabi ipadara tolos an espesyal na pedido nindo. Siertohon na konsideraron an bilang nin mga auxiliary payunir na tibaad maglilingkod sa bulan na iyan.