Mga Paisi

◼ Alok sa Nobyembre: Ipapadagos an pagdistribwir kan Kingdom News Num. 36. An mga kongregasyon na natapos na an saindang teritoryo paagi sa pagpaabot sa mga nakaistar sa balang harong nin kopya kan Kingdom News Num. 36 puedeng mag-alok kan librong Kaaraman o kan brosyur na Kahagadan. Kun igwa na kaini an mga tawo, puedeng gamiton magsalang an librong Mabuhay Sagkod Lamang o an librong Creation. Disyembre: Iaalok an brosyur na Sarong Libro Para sa Gabos na Tawo kaiba an New World Translation of the Holy Scriptures. Enero: Puedeng ialok an arin man sa haloy nang 192 pahinas na mga libro. Kun an mga kongregasyon mayo kan arin man kaini sa istak, puedeng ialok an librong Kaogmahan nin Pamilya. Pebrero: Life​—How Did It Get Here? By Evolution or by Creation? Kun saen dai parateng ginagamit an Ingles, puedeng ialok imbes an librong Kaogmahan nin Pamilya.

◼ Minsan ngani an suplemento sa An Satong Ministeryo sa Kahadean na ini pag-oolayan sa mga Pagtiripon sa Paglilingkod ngonyan na bulan, marahay na gumamit nin 15 minutos sa huring Pagtiripon sa Paglilingkod bago umatender sa saindong kombension tangani na marepaso an prangkang hatol hale sa suplementong ini. Sa panahon na iyan, enkaminaron an gabos na helingon sa laog nin pirang minuto an inimprentang programa bago pumoon an kada sesyon sa aga asin hapon patin antisiparon kun ano an puedeng ipaliliwanag. Pinagigin mas pasil kaini na ikonsentrar an atension sa programa asin kumua nin halipot alagad makahulogan na mga nota.

◼ Nagpaplano an Sosyedad na mag-areglo nin pag-interpretar para sa mga bongog sa “Mga Paraotob kan Tataramon nin Dios” na Pandistritong Kombension sa Quezon City sa Disyembre 8-10, 2000. Ini kadungan kan kombension sa Ingles sa petsang iyan. An siisay man na bongog na nakasasabot nin pagtaram paagi sa senyas maninigong umatender sa kombension na ini, huling mayong pag-interpretar para sa mga bongog sa ibang kombension.

◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ Pagkatapos kan kampanya kan Kingdom News, an mga kongregasyon na igwa pa nin suplay kan Kingdom News Num. 36 puedeng parigonon an boot kan mga parahayag na ialok ini sa kaparehong paagi nin pag-alok ninda kan mga pulyeto​—baga man sa harong-harong o sa ibang lugar. Kun praktikal, an mga parahayag puedeng magwalat nin saro sa kada harong na mayo nin tawo, na sinesegurado na dai iyan maheheling kan mga nag-aagi. Maninigong gumibo nin mga paghihingoa na idistribwir an gabos na natatadang kopya kan importanteng mensaheng ini.

◼ Makukuang Bagong mga Compact Disc:

Watchtower Library​​—1999 Edition na nasa CD-ROM

Kingdom Melodies No. 9 na nasa compact disc