Mga Paisi

◼ Alok sa Disyembre: Iaalok an brosyur na Sarong Libro Para sa Gabos na Tawo kaiba an New World Translation of the Holy Scriptures. Enero: Puedeng ialok an arin man sa haloy nang 192 pahinas na mga libro. Kun an mga kongregasyon mayo kan arin man kaini sa istak, puedeng ialok an librong Kaogmahan nin Pamilya. Pebrero: Life​—How Did It Get Here? By Evolution or by Creation? Kun saen dai parateng ginagamit an Ingles, puedeng ialok imbes an librong Kaogmahan nin Pamilya. Marso: Itatampok an librong Kaaraman na may paghihingoang makapoon nin mga pag-adal sa Biblia.

◼ Kun kamo mabakasyon o maatender nin pandistritong kombension sa katapusan kan Disyembre, seguradohon na itao an saindong report sa sekretaryo bago kamo maghale. Kun an gabos mag-iisip na itao an report sa tamang panahon sa katapusan kan bulan na ini, magkakaigwa kita nin kompletong report para sa Disyembre.

◼ Mga Kontribusyon sa Pandistritong Kombension: An gabos na gastos sa mga kombension, kabale an pag-arkila nin angay na mga pasilidad, pagpreparar kan entablado asin sound system, siring man an pagtao nin ano man na bagong mga publikasyon na puedeng iluwas, sinusuportaran nin boluntaryong mga kontribusyon para sa bilog na kinaban na gibohon. Naseseguro niamo na gigirumdomon nindo ini kun nag-aatender. Puedeng magkontribwir paagi sa paggamit kan mga kahon sa kontribusyon na yaon sa kada kombension.​—Helingon an parapo 19 kan suplemento kan An Satong Ministeryo sa Kahadean para sa Nobyembre 1999.

◼ Teksto kan Taon 2001: An teksto kan taon para sa 2001 kinua sa Colosas 4:​12: ‘Tumindog na lubos asin may marigon na kombiksion sa gabos na kabotan nin Dios.’ An gabos na kongregasyon maninigong iareglo na ibugtak an bagong teksto kan taon sa saindang Kingdom Hall sa Enero 1, 2001.

◼ Iskedyul kan Pag-adal sa Libro kan Kongregasyon: Poon sa semana nin Pebrero 5, 2001, sagkod Hulyo 23, 2001, pag-aadalan an librong An Sekreto sa Kaogmahan nin Pamilya sa mga Pag-adal sa Libro kan Kongregasyon.