Mga Paisi
◼ Alok sa Oktubre: Indibiduwal na mga kopya kan An Torrengbantayan asin Awake! Sa mga dinadalaw liwat, an mga parahayag puedeng mag-alok na ihatod an mga magasin nin regular, na may pasohan na makapoon nin pag-adal sa Biblia. Nobyembre: Iaalok an librong Kaaraman o brosyur na Kahagadan. Kun igwa na kaini an mga kagharong, puedeng gamiton an ibang haloy nang publikasyon. Disyembre: Puedeng ialok an arin man sa minasunod na mga libro: The Greatest Man Who Ever Lived, The Bible—God’s Word or Man’s?, My Book of Bible Stories, o Puwede Kamong Mabuhay Sagkod Lamang sa Paraiso Digdi sa Daga. Enero: Puedeng ialok arin man sa haloy nang libro na 192 pahinas. An mga mayo nin haloy nang mga libro puedeng ialok an Mankind’s Search for God.
◼ An suplemento sa luwas na ini kan An Satong Ministeryo sa Kahadean iyo an “Iskedyul sa Teokratikong Paadalan sa Pagmiministro Para sa 2003” asin maninigong sarayon bilang reperensia sa bilog na taon. An dakol na pahayag nin mga estudyante basado sa librong Reasoning. Mantang an librong ini mayo sa Bicol, Hiligaynon, Pangasinan, asin Samar-Leyte, an mga pahina kan reperensia sa mga lenguaheng ini iyo an Ingles na librong Reasoning, minsan ngani itatradusir an mga tema.
◼ Sa Oktubre 31 asin Nobyembre 1, an dakol na tawo nag-iisip manongod sa gadan nang mga namomotan ninda, kaya angay na darahon niato an mga pulyetong What Hope for Dead Loved Ones? o Do You Have an Immortal Spirit? asin an mga brosyur na Kun Magadan an Sarong Namomotan o Ano an Nangyayari sa Sato kun Kita Magadan? kun naghuhulit sa harong-harong o sa mga sementeryo sa mga aldaw na iyan.
◼ Igwa pa kami nin suplay sa sangang opisina kan 2002 Yearbook sa Cebuano, Iloko, asin Tagalog. Ineenkaminar niamo an mga nangangaipo kaiyan na pumedido paagi sa kongregasyon. Tibaad boot kan mga kongregasyon na pumedido para sa saindang libreriya sa Kingdom Hall.
◼ Puede na ngonyan na ipadara sa sangang opisina an mga pedido para sa 2003 Yearbook. Kaiba kan kuenta kan Hunyo mapadara kami nin sarong Yearbook Order Blank sa katuyohan na ini. Kun nagpepedido ngonyan na taon, girumdomon tabi na an kasaysayan kan gibohon sa Pilipinas itatampok sa 2003 Yearbook, kaya daing duwa-duwa na bobooton nindong pumedido nin dakol na suplay para sa mga tugang. Iyan itatradusir sa Cebuano, Iloko, asin Tagalog tanganing makinabang gabos. Ibalik tabi an order blank dai malihis sa Nobyembre 15, 2002.
◼ Makukuang Bagong Audiocassette:
A Satisfying Life—How to Attain It—Ingles