Mga Paisi

◼ Alok sa Disyembre: Puedeng ialok an arin man sa minasunod na mga libro: The Greatest Man Who Ever Lived, The Bible​​—God’s Word or Man’s?, My Book of Bible Stories, o Puwede Kamong Mabuhay Sagkod Lamang sa Paraiso Digdi sa Daga. Enero: Puedeng ialok an arin man sa haloy nang libro na 192 pahinas. An mga mayo nin haloy nang mga libro puedeng ialok an Mankind’s Search for God. Pebrero: Puedeng ialok magsalang an librong Creation o an Revelation Climax. Marso: Iaalok an librong Kaaraman na may paghihingoang makapoon nin mga pag-adal sa Biblia.

◼ Kun kamo mabakasyon o maatender nin pandistritong kombension sa katapusan kan Disyembre, seguradohon na itao nindo an saindong report nin paglilingkod sa langtad sa saindong paraataman kan Pag-adal sa Libro kan Kongregasyon bago kamo maghale. Kun an gabos magigin maatom sa pagreport, dai kita magkakaigwa nin pagbaba sa bilang nin mga parahayag sa Disyembre sa ibong kan sibot na aktibidad sa kombension.

◼ Mga Kontribusyon sa Pandistritong Kombension: An gabos na gastos sa mga kombension, kabale an arkila kan istadyum, pagpreparar kan entablado asin sound system, saka an gastos nin ano man na bagong mga publikasyon na puedeng iluwas, sustentado nin boluntaryong mga kontribusyon para sa pambilog na kinaban na gibohon. Naseseguro niamo na gigirumdomon nindo ini kun nag-aatender. Puedeng magkontribwir paagi sa paggamit kan mga kahon sa kontribusyon na yaon sa kada kombension.

◼ Teksto kan Taon 2003: An teksto kan taon para sa 2003 kinua sa Santiago 4:8: “Rumani kamo sa Dios, asin sia marani sa saindo.” An gabos na kongregasyon maninigong iareglo na ibugtak an bagong teksto kan taon sa saindang Kingdom Hall sa Enero 1, 2003.

◼ Pag-oolayan an video na Faithful Under Trials​​—Jehovah’s Witnesses in the Soviet Union sa Pagtiripon sa Paglilingkod sa Pebrero. An mga gustong kumua nin kopya kan video na ini maninigong maghagad kaiyan paagi sa kongregasyon sa pinakamadaling panahon na mapupuede.

◼ May ginibong pagliliwat kun paano gigibohon an Teokratikong Paadalan sa Pagmiministro sa panahon kan pagsongko kan paraataman sa sirkito. Poon sa Enero 2003, pakatapos kan pambukas na awit asin pamibi, an paadalan gigibohon sa laog nin mga 25 minutos. Magkakaigwa nin limang minutong pahayag manongod sa kualidad sa pagtaram, sampulong minutong pahayag na nagtotokdo, asin sampulong minutong tampok na mga kabtang sa Biblia. Dai iaatubang an mga Asignasyon Num. 2, 3, asin 4. An paadalan susundan nin kabangang oras na Pagtiripon sa Paglilingkod. Pakatapos nin awit, magkakaigwa nin kabangang oras na programa na itatao kan paraataman sa sirkito, na susundan kan pantapos na awit asin pamibi.