Mga Paisi

◼ Alok sa Marso: Iaalok an librong Kaaraman na may paghihingoang makapoon nin mga pag-adal sa Biblia. Abril asin Mayo: Indibiduwal na mga kopya kan An Torrengbantayan asin Awake! Sa mga dinadalaw liwat, an mga parahayag puedeng mag-alok na ihatod nin regular an mga magasin, na may pasohan na makapoon nin pag-adal sa Biblia. Hunyo: Iaalok an bagong librong Rumani ki Jehova.

◼ Poon sa Abril, itatao kan mga paraataman sa sirkito an pampublikong pahayag na may titulong “Ingatan an Saindong Midbidan Bilang Kristiano!” kun sinosongko an mga kongregasyon.

◼ An mga parahayag na boot na maglingkod bilang auxiliary payunir sa Abril asin Mayo maninigo nang gumibo kan saindang mga plano ngonyan asin itao nin amay an saindang aplikasyon. Tatabangan kaini an kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin asin iba pang literatura na magagamit ninda. Maninigong ianunsiar sa kongregasyon an ngaran kan mga aprobado bilang auxiliary payunir.

◼ Mantang ipinondo na an areglo para sa personal na mga suskripsion paagi sa koreo, importante na iluwas kan mga kongregasyon an pinakabagong mga isyu kan An Torrengbantayan asin Awake! pagkaresibi tolos kaiyan. Totogotan kaiyan an mga parahayag na magkaigwa nin personal na kopya ninda asin magin pamilyar sa laog bago ialok an mga magasin sa paglilingkod sa langtad.

◼ Babasahon sa Biblia Para sa Memorial: Ineenkaminar an gabos na basahon an isinuherir na kabtang kan Biblia na nakaiskedyul sa 2003 Calendar asin sa Pagsiyasat sa Kasuratan Aroaldaw, na mapoon sa Abril 11 asin matatapos sa aldaw kan Memorial, Abril 16.