Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana na mapoon sa Hunyo 30, 2003. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Mayo 5 sagkod Hunyo 30, 2003. [Pasabot: Kun mayo nin mga reperensia kasunod kan hapot, kaipuhan nindong gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Taano ta importante an modulasyon kun nagpapahayag, asin paano ini magigibo? [be kahon sa p. 111; kahon sa p. 112]
2. Dawa ngani an nagpapahayag naniniwala sa sinasabi nia asin namomoot ki Jehova, taano ta puede siang mawaran nin entusiasmo? [be p. 115 par. 3-4; p. 116 par. 1]
3. Ano an makakatabang sa nagpapahayag na magpahayag nin init asin pagsaboot, asin taano ta importante ini? [be p. 119 par. 1-4]
4. Ano an nagdedeterminar sa angay na entusiasmo, init, asin iba pang emosyon na ipinamamate sa sarong pahayag? [be p. 120 par. 2-5]
5. Tama o Sala: Mahalaga sana an mga mustra asin panlauog kun nakaheling saindo an mga nagdadangog sa saindo. Ipaliwanag. [be p. 121 par. 3]
ASIGNASYON NUM. 1
6. Ano an nakatabang ki Josias na pilion an tamang dalan sa ibong nin teribleng panahon kan sia aki pa? (2 Cron. 34:1, 2) [w01-BI 4/15 p. 27 par. 1-6; p. 28 par. 4]
7. Ano an kahulogan kan Talinhaga 9:7, 8a, asin paano ini ikaaaplikar sa ministeryo sa langtad? [w01-BI 5/15 p. 29 par. 4-5]
8. Ano an boot sabihon ni Jehova kan sia magsabi sa mga Israelita na, ‘Dai ka dapat malingaw,’ asin paano niato malilikayan an pakalingaw? (Deut. 4:9; 8:11) [be p. 20 par. 1-3]
9. Paano an sinserong pananaram ni David sa Salmo 32:1, 5 asin sa Salmo 51:10, 15 nagpapaheling na an saro dai kaipuhan na makamate na sia daing halaga pakatapos na makakomiter nin seryosong kasalan alagad nagpahayag naman nin tunay na pagsolsol? [w01-BI 6/1 p. 30 par. 1-3]
10. Ano an manonodan sa mga instruksion ni Pablo na sinabi sa 1 Timoteo 5:3-16 manongod sa pag-asikaso sa mga daing sukat? [w01-BI 6/15 p. 11 par. 1]
SEMANAL NA BABASAHON SA BIBLIA
11. Ano an boot sabihon ni Jesus kan gamiton nia an pananaram na “namundag giraray,” na nasusurat sa Juan 3:3? [w95-BI 7/1 p. 9-10 par. 4-5]
12. Sa anong paagi ginamit ni Jesus an saiyang edukasyon, asin anong mahalagang leksion an manonodan niato gikan digdi? (Juan 7:15-18) [w96-BI 2/1 p. 9-10 par. 4-7]
13. Taano an Juan 7:53–8:11 ta separado sa mismong mga kapitulo kan New World Translation?
14. Paano si Jesus ‘nagdatong sa iyo man sanang paagi’ na sia nagsakat sa langit? (Gibo 1:11) [w90-BI 6/1 p. 9 par. 5 (w90-E 6/1 p. 11 par. 5)]
15. Taano ta “mayo ni saro sa iba na nagkaigwa kan kosog nin boot na makiiba sa [mga disipulo],” arog kan sinabi sa Gibo 5:13?