Mga Paisi

◼ Alok sa Hulyo asin Agosto: Puedeng ialok an arin man sa mga brosyur, alagad marahay na espesyalmenteng itampok an brosyur na A Satisfying Life​​—How to Attain It. Setyembre: Life​​—How Did It Get Here? By Evolution or by Creation? Oktubre: Indibiduwal na mga kopya kan An Torrengbantayan asin Awake! Sa mga pagdalaw liwat, an mga parahayag puedeng mag-alok na ihatod an mga magasin nin regular, na may pasohan na makapoon nin pag-adal sa Biblia.

◼ Sa Sabado, Agosto 30, 2003, magkakaigwa nin pankagabsan na paglinig sa Erokan na Bethel sa Quezon City, kaya an opisina serado sa agang iyan asin daing pagpasyar sa aldaw na iyan. An resepsion para sa literatura serado man sa agang iyan.

◼ 2003 Yearbook: Igwa pa kita sa sangang opisina nin dakol na suplay kan 2003 Yearbook sa Ingles, Cebuano, Iloko, asin Tagalog. An kamagurangan maninigong ipaisi ini sa kongregasyon asin aramon kun pira pa an kaipuhan tanganing masuplayan an gabos na pamilya sa kongregasyon. Siring man, enkaminaron an mga parahayag na pumedido nin nagkapira na dadarahon sa saindang mga inaadalan sa Biblia, huling kaiba sa Yearbook an kasaysayan kan gibohon sa Pilipinas, asin patataluboon kaini an saindang pag-apresyar sa organisasyon. Oras na maaraman kun pira an kaipuhan asin kun anong mga lenguahe, maninigong magpedido tolos-tolos an mga nagkokoordinar sa literatura, na ginagamit an Literature Request Form (S-AB-14).

◼ Poon sa enot na semana nin Setyembre, an mga paraataman sa sirkito matao kan pampublikong pahayag na may temang “Pagkaligtas sa Sarong Kinaban nin Kadikloman” kun nagdadalaw sa mga kongregasyon. (Pasabot sa mga Paraataman sa Sirkito: Ini sarong bulan na mas amay kisa kan nakaaging paisi asin iyan nangangahulogan na an nagkapirang kongregasyon sa saindong sirkito dai makadadangog kan presenteng itinataong pampublikong pahayag. An bagong pahayag na ini mapoon sa Setyembre 2003 sagkod sa katapusan kan Pebrero 2004.)