Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana na mapoon sa Disyembre 29, 2003. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Nobyembre 3 sagkod Disyembre 29, 2003. [Pasabot: Kun mayo nin mga reperensia kasunod kan hapot, kaipuhan nindong gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Taano an paggamit kan Biblia ta importanteng marhay sa ministeryo sa langtad? [be p. 145 par. 2, kahon]
2. Paano an konteksto nakaaapektar sa paagi nin pag-introdusir sa sarong teksto? [be p. 149]
3. Taano ta importante na idoon an angay na mga termino kun nagbabasa nin teksto sa Biblia, asin paano ini magigibo? [be p. 151 par. 2, kahon]
4. Paano niato iinaaplikar an konseho ni Pablo na ‘gamiton an tataramon kan katotoohan sa tamang paagi’ kun kita nagtotokdo sa iba, asin taano ta importante ini? (2 Tim. 2:15) [be p. 153 par. 2, kahon]
5. Paano si Pablo ‘nagrason hale sa Kasuratan’? (Gibo 17:2, 3) [be p. 155 par. 5–p. 156 par. 1]
ASIGNASYON NUM. 1
6. Kun ginagamit niato an pangenot niatong kasangkapan sa pagsiyasat, an Biblia, sa pag-andam nin pahayag, taano ta kapakipakinabang na (1) eksaminon an konteksto nin mga bersikulo, (2) helingon an reperensia sa ibang parte, asin (3) maghanap paagi sa konkordansia sa Biblia? [be p. 34 par. 3–p. 35 par. 2]
7. Paano ipinababanaag an tunay na kaimbodan asin kiisay? [w01-BI 10/1 p. 22-3]
8. Ano an nagpaparisa na si Jehova eksaktong paratalaan nin panahon? (Dan. 11:35-40; Luc. 21:24) [si-E p. 284 par. 1]
9. Anong mga bagay an maninigo niatong girumdomon kun nagdedesisyon kun anong mga punto an gagamiton pakatapos na magsiyasat para sa sarong pahayag? [be p. 38]
10. Taano an mga tataramon ni Jesus may labot sa “mga aldaw ni Noe” ta may koneksion sa satong situwasyon ngonyan? (Mat. 24:37) [w01-E 11/15 p. 31 par. 3-4]
SEMANAL NA BABASAHON SA BIBLIA
11. Paano ipinaheheling kan surat ni Pablo ki Filemon na an sugo sa Kristiano iyo na tabangan an mga indibiduwal na magin mga Kristiano, bakong suportaran an reporma sosyal? (Filem. 12)
12. Ano an pagkakalaen kan ‘pagkaanod,’ “pagbaya,” asin ‘pagsuhay’? (Heb. 2:1; 3:12; 6:6) [w99-BI 7/15 p. 19 par. 12; w86-E 6/1 p. 14 par. 16-17; w81-BI 6/1 p. 12 par. 8 (w80-E 12/1 p. 23 par. 8)]
13. Paano niato malilikayan na magin ordinaryo na sana an ekspresyon na “kun bobooton ni Jehova”? (Sant. 4:15) [cj-E p. 171 par. 1-2]
14. Ano an kahulogan kan ‘halaton asin papagdanayon na harani sa isip an presensia kan aldaw ni Jehova,’ asin paano niato iyan magigibo? (2 Ped. 3:12) [w97-BI 9/1 p. 19-20]
15. Anong mahalagang hatol para sa mga Kristiano ngonyan an yaon sa mga mensahe sa pitong kongregasyon na nasambitan sa Kapahayagan kapitulo 2 asin 3? (Kap. 2:4, 5, 10, 14, 20; 3:3, 10, 11, 17, 19)