Mga Paisi

◼ Alok sa Pebrero: Iaalok an librong Rumani ki Jehova. Marso: Iaalok an librong Kaaraman, na may pasohan na makapoon nin mga pag-adal sa Biblia. Kun an mga tawo igwa na kan publikasyon na ini, puedeng ialok an Pay Attention to Daniel’s Prophecy! Abril asin Mayo: Indibiduwal na mga kopya kan An Torrengbantayan asin Awake! Kun nagdadalaw liwat sa mga interesado, iiba an mga nag-atender sa Memorial o iba pang teokratikong okasyon alagad bakong aktibong asosyado sa kongregasyon. Magkonsentrar sa pagpasakamot kan librong Worship God asin hingoahon na makapoon nin pag-adal sa Biblia, nangorogna sa mga indibiduwal na nakapag-adal na kan librong Kaaraman asin kan brosyur na Kahagadan.

◼ An espesyal na pampublikong pahayag para sa 2004 itatao sa Domingo, Abril 18, 2004. An tema kan pahayag “Magin Makosog an Boot Asin Magtiwala ki Jehova.” May itataong outline. An mga kongregasyon na dinadalaw kan paraataman sa sirkito, may pansirkitong asamblea, o espesyal na aldaw nin asamblea sa katapusan kan semanang iyan magkakaigwa kan espesyal na pahayag sa Abril 25, 2004. An mga kongregasyon na an pampublikong pagtiripon ginigibo sa ibang aldaw apuera sa Domingo puedeng iiskedyul an espesyal na pahayag durante kan peryodo nin Abril 19 sagkod 24, 2004.

◼ Poon sa Marso, an bagong pampublikong pahayag para sa mga paraataman sa sirkito, “Taano ta Dapat na Matakot sa Tunay na Dios?”

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa katapusan kan Pebrero. Sa panahon na iyan maninigong nakareport na sinda nin total na mga 420 oras para sa enot na anom na bulan kan taon nin paglilingkod. Kun an siisay man hababa an oras kisa kabilangan na ini, maninigong estudyaran kan kamagurangan kun baga kaya pa nindang mahipnoan an nawarang oras durante kan natatada pang anom na bulan kan taon nin paglilingkod. Kun hababang marhay an saindang oras kaya dai na posibleng maabot an taonan na kahagadan, kun siring tibaad isuherir kan kamagurangan na pumondo na sinda sa pagregular payunir asin imbes tibaad magin regular na auxiliary payunir.

◼ Maninigong siyasaton an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun nagibo na ini, ianunsiar sa kongregasyon pakatapos na basahon an masunod na report sa kuenta. Basahon an ano man na pasasalamat sa mga donasyon kan kongregasyon para sa pambilog na kinaban na gibohon asin sa ano man na ibang pondo na sinuportaran kan organisasyon.

◼ Sa Domingo, Pebrero 15, 2004, magkakaigwa nin miting kaiba an gabos na nagpaplanong mag-auxiliary payunir durante kan mga bulan nin Marso, Abril, asin Mayo. Ineenkaminar an gabos na umatender. Pangengenotan kan paraataman sa paglilingkod an miting, na sinisierto na igwa nin supisyenteng Application for Auxiliary Pioneer Service na ididistribwir sa gabos na maatender sa miting na ini.

◼ Makukuang Bagong mga Publikasyon:

Learn From the Great Teacher​​—Bicol, Cebuano, Hiligaynon, Iloko, Ingles, Intsik, Pangasinan, Samar-Leyte, Tagalog

“See the Good Land”​​—Cebuano, Iloko, Ingles, Tagalog