Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Hunyo 28, 2004. Pamamayohan kan paraataman sa paadalan an sarong 30 minutos na repaso basado sa materyales na kinobrehan sa mga asignasyon para sa mga semana nin Mayo 3 sagkod Hunyo 28, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Anong mga bagay an puedeng magin dahelan na kita mawaran nin estilong garo sana nakikipag-olay o magin garo sobra man kapormal kun nagtataram sa plataporma? [be p. 179 par. 4]
2. Taano an pagpakarhay kan kualidad kan boses niato ta bako sanang paghangos nin tama asin pagrelaks nin kalamnan na kidit? [be p. 181 par. 2]
3. Mantang ihinihiras niato sa iba an mga katotoohan sa Biblia, anong praktikal na mga lakdang an puede niatong gibohon tangani na ‘magin gabos na bagay sa gabos na klase nin tawo’? (1 Cor. 9:20-23) [be p. 186 par. 2-4]
4. Ano an kalabot sa atentong paghinanyog sa satong ministeryo? [be p. 187]
5. Taano ta importante na magpaheling nin paggalang sa gabos na nanonompongan niato sa satong ministeryo? [be p. 190]
ASIGNASYON NUM. 1
6. Ano an pasohan kan mga nagtatao nin teokratikong pagtotokdo, asin ano an makakatabang sa sato na maabot an pasohan na ini? (Mat. 5:16; Juan 7:16-18) [be p. 56 par. 3–p. 57 par. 2]
7. Taano ta kapakipakinabang na ipaheling an kalaenan kun nagtotokdo, asin paano ginamit ni Jesus an metodong ini nin pagtotokdo? [be p. 57 par. 3; p. 58 par. 2]
8. Bakong arog kan mga Fariseo, paano nataros kan katokdoan ni Jesus an puso nin mga tawo? [be p. 59 par. 2-3]
9. Paano niato matatabangan an mga tinotokdoan niato na iaplikar an nanonodan ninda, na dai nagdedesisyon para sa sainda? [be p. 60 par. 1-3]
10. Paano niato maninigong simbagon an mga hapot nin iba manongod sa mga bagay na dapat na personal na desisyonan? [be p. 69 par. 4-5]
SEMANAL NA BABASAHON SA BIBLIA
11. Taano ta dapat na maingat na sunodon ni Moises an “disenyo kan tabernakulo asin disenyo kan gabos na kasangkapan kaiyan”? (Ex. 25:9) [it-2-E p. 1058 par. 7]
12. Ano an manonodan niato sa simbag ni Aaron ki Moises mapadapit sa pangyayari may labot sa bulawan na ogbon na baka? (Ex. 32:24)
13. Ano an manonodan niato sa pagpaheling nin pagtubod kan mga Israelita bilang pagkuyog sa pagboot ni Jehova sa Exodo 34:23, 24?
14. Ano an katuyohan nin atang para sa pakikikabtang? (Lev. 3:1)
15. Paano minaaplikar ki Jesus sa antitipikong paagi an prosedimiento nin pagbugtak sa katongdan may koneksion ki Aaron, na nasusurat sa Levitico 8:23? [it-2-E p. 1113 par. 4; w68-E p. 399 par. 24]