Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Agosto 30, 2004. Pamamayohan kan paraataman sa paadalan an sarong 30 minutos na repaso basado sa materyales na kinobrehan sa mga asignasyon para sa mga semana nin Hulyo 5 sagkod Agosto 30, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Paano niato ikakaeksplikar na may “mahoyong boot asin hararom na paggalang” an rason para sa satong paglaom? (1 Ped. 3:15) [2, be p. 192 par. 2-4]
2. Taano ta importante na magtaram na may kombiksion? (Roma 8:38, 39; 1 Tes. 1:5; 1 Ped. 5:12) [3, be p. 194]
3. Paano ipinaheheling an kombiksion? [4, be p. 195 par. 3–p. 196 par. 4]
4. Ano an pagkamataktika, taano ta importante iyan, asin paano niato titimbangan nin karigonan an kualidad na ini? (Roma 12:18) [5, be p. 197]
5. Bago magtaram, ano an kokonsideraron nin sarong tawong mataktika? (Tal. 25:11; Juan 16:12) [7, be p. 199]
ASIGNASYON NUM. 1
6. Paano an satong mga pakikipag-olay asin ugale sa pag-adal kan Biblia nagpaparisa kun gurano na an nagibo niatong pag-oswag sa katotoohan? [2, be p. 74 par. 3–p. 75 par. 2]
7. Ano an kahulogan kan “tinutubos an angay na panahon para sa saindo man sana,” asin paano niato iyan magigibo? (Efe. 5:16) [5, w02 11/15 p. 23]
8. Paano ipinapaliwanag kan Kasuratan na an gabos na tawo pantay-pantay sa atubangan nin Dios, asin paano ini maninigong makaapektar sa satong ministeryo? [6, w02 1/1 p. 5, 7]
9. Ano an kahulogan kan daing kaparehong ngaran kan Kaglalang, an Jehova? [7, w02 1/15 p. 5]
10. Ano an nagpangyari sa atang ni Abel na magin “orog na mahalaga” kisa kan ki Cain, asin anong leksion an manonodan niato digdi mapadapit sa satong “atang nin pag-omaw”? (Heb. 11:4; 13:15) [8, w02 1/15 p. 21 par. 6-8]
SEMANAL NA BABASAHON SA BIBLIA
11. Paano an Levitico 18:3 makakatabang sa sato na malikayan an pagkaigwa nin biribid na pakasabot nin tama asin sala? (Efe. 4:17-19) [1, w02 2/1 p. 29]
12. Ano an makahulang ilinadawan kan “duwang tinapay” na iprinesentar kan halangkaw na saserdote bilang “dolot na itinabyon” durante kan Kapiestahan nin mga Semana (Pentecostes)? (Lev. 23:15-17) [2, w98 3/1 p. 13 par. 21]
13. Sa sarong kaso nin pagsambay siring kan nasusurat sa Bilang kapitulo 5, sa anong sentido “matatangkas an paa” nin sarong babaeng nagkasala? (Bil. 5:27) [5, w84-E 4/15 p. 29]
14. Taano si Miriam asin Aaron ta nagtaram tumang ki Moises huli sa saiyang Cusitang agom? (Bil. 12:1)
15. Ano an “libro kan Mga Pakikiguerra ni Jehova”? (Bil. 21:14)