Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Oktubre 25, 2004. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Setyembre 6 sagkod Oktubre 25, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Paano niato mapapagdanay na positibo an tono kun nagpapahayag manongod sa sarong aspekto nin satong Kristianong aktibidad? [be p. 203 par. 3-4]
2. Ano an pag-otro, asin taano ta mahalaga iyan? [be p. 206 par. 1-4]
3. Paano niato ikakadoon an tema kan satong mga pahayag? [be p. 210 par. 1-5, kahon]
4. Paano niato madedeterminaran an prinsipal na mga punto sa sarong pahayag na iinasignar sa sato na ipahayag? [be p. 212 par. 1-4]
5. Taano ta maninigo kitang mag-ingat na dai pakadakolon an prinsipal na punto? [be p. 213 par. 2-4]
ASIGNASYON NUM. 1
6. Anong mga pangyayari bago kan Baha an tibaad nagpadepisil sa mga tawo na maniwala na matatapos an gabos na bagay na nasa palibot ninda? [w02 3/1 p. 5-6]
7. Taano ta mahalagang mangnohon na inapod si Jesus kan mga katemporanyo nia na “Paratokdo” asin bakong “Parabolong”? (Luc. 3:12; 7:40) [w02 5/1 p. 4 par. 3; p. 6 par. 6]
8. Paano idinodoon kan Talinhaga 11:24, 25 an halaga nin lubos na pakikikabtang sa ministeryo sa langtad? [w02-E 7/15 p. 30 par. 2-4]
9. Anong isyu sa moral an pinalataw kan pagrebelde sa Eden, asin ano an nagin mga resulta kan pagrebeldeng iyan? (Gen. 3:1-6) [w02 10/1 p. 5 par. 6; p. 6 par. 2-3]
10. Paano madedeterminaran an petsa kan pagbabalik sa dati kan tunay na pagsamba sa Jerusalem? [si-E p. 285 par. 5]
SEMANAL NA BABASAHON SA BIBLIA
11. Mantang sinabihan ni Jehova si Balaam na umiba sa mga tawohan ni Balac, taano ta naanggot Sia kan umiba si Balaam sa sainda? (Bil. 22:20-22)
12. Puede daw na kanselaron kan agom na lalaki nin sarong Kristiana an mga kapanugaan kan Kristianang ini? (Bil. 30:6-8)
13. Ano an irinerepresentar ngonyan kan “mga siudad na pailihan”? (Bil. 35:6) [w95 11/15 p. 17 par. 8]
14. Dapat daw na saboton nin literal an pagboot sa Deuteronomio 6:6-9 na ‘ibugkos an ley nin Dios sa kamot asin sa payo na garo banda sa angog’?
15. An pananaram daw na “an saimong gubing dai nadaan” nangangahulogan sana na sinasalidahan an suplay na gubing kan mga Israelita? (Deut. 8:4)