Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Disyembre 27, 2004. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Nobyembre 1 sagkod Disyembre 27, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Ano an saro sa pinakamarahay na paagi na mapukaw an interes kan mga nagdadangog sa sarong tema? [be p. 218 par. 3]
2. Ilista an limang karakteristiko nin epektibong konklusyon. [be p. 220 par. 4–p. 221 par. 4]
3. Paano niato masesegurado na daing kasalasala an satong itinataram? [be kahon sa p. 224]
4. Paano niato masesegurado na an satong mga pag-atubang sa mga pagtiripon nagpapabanaag nin halangkaw na pagpahalaga sa kabtang kan kongregasyon bilang “sarong harigi asin sulay kan katotoohan”? (1 Tim. 3:15) [be p. 224 par. 1-4]
5. Kun manongod sa mga nangyayari sa presente, kotasyon, asin eksperyensia, paano niato iaaplikar an Talinhaga 14:15? [be p. 225 par. 1]
ASIGNASYON NUM. 1
6. Paano puedeng kalkulohon an panahon poon kan Baha pabalik sa paglalang ki Adan? [si-E p. 286 par. 12]
7. Paano madedeterminaran an petsa kan pagpoon kan ministeryo ni Jesus, asin ano an basehan na maniwala na iyan naghaloy sana nin tolo may kabangang taon? [si-E p. 291 par. 16]
8. (a) Kasuarin itinao an “pagboot na ibalik sa dati asin itogdok liwat an Jerusalem”? (b) Pirang taon an maagi poon sa panahon na iyan sagkod na lumataw si Jesus bilang an Mesiyas? (Dan. 9:24-27) [si-E p. 291 par. 18-19]
9. Ano an kaiba sa sinserong paghagad nin dispensasyon na minaresulta sa ‘pakipagkatoninongan sa satong tugang’? (Mat. 5:23, 24) [w02 11/1 p. 6 par. 1, 5]
10. Ano an itinotokdo sa sato kan 2 Hade 13:18, 19 manongod sa paggibo kan inasignar nin Dios na mga gibohon? [w02 12/1 p. 31 par. 1-2]
SEMANAL NA BABASAHON SA BIBLIA
11. Taano an mga Israelita ta puedeng magtao sa sarong nakikihimanwa o magpabakal sa taga ibang daga nin dai pinadugo na hayop na sinda mismo dai nagkakakan kaiyan? (Deut. 14:21)
12. Anong leksion an itinao sa sato sa Deuteronomio 20:5-7?
13. Taano an pag-agaw sa ‘isinangrang gilingan o nasa ibabaw na gapo kaiyan’ ta iinaagid sa pag-agaw sa “kalag”? (Deut. 24:6)
14. Mantang pinagbawalan an mga Israelita na kumakan nin ano man na taba, ano an kahulogan kan saindang pagkakan nin “taba nin lalaking karnero”? (Deut. 32:13, 14)
15. Ano an modernong katimbang kan kasalan na ginibo ni Acan? (Jos. 7:1-26) [w86 12/1 p. 18 par. 20]