Mga Paisi

◼ Alok sa Pebrero: Itatampok an librong Rumani ki Jehova. Marso 1-20: Ialok an librong Kaaraman na may pasohan na makapoon nin mga pag-adal sa Biblia. Marso 21–Abril 17: Espesyal na kampanya nin pagdistribwir kan brosyur na Magdanay Kamong Mapagbantay! Abril 18–Mayo 31: Itampok an indibiduwal na mga kopya kan An Torrengbantayan sagkod Awake! Kun nagdadalaw liwat sa mga interesado, kaiba an mga nag-atender sa Memorial o iba pang teokratikong okasyon alagad bakong aktibong asosyado sa kongregasyon, magkonsentrar sa pagpasakamot kan librong Nagkakasararo sa Pagsamba. An katuyohan iyo na maninigong makapoon nin pag-adal sa Biblia, nangorogna sa mga indibiduwal na nakapag-adal na sa librong Kaaraman asin sa brosyur na Kahagadan.

◼ An espesyal na pampublikong pahayag para sa 2005 itatao sa Domingo, Abril 10, 2005. An tema kan pahayag iyo an “Taano si Jesus ta Nagdusa Asin Nagadan?” May itataong outline. An mga kongregasyon na dinadalaw kan paraataman sa sirkito, may pansirkitong asamblea, o aldaw nin espesyal na asamblea sa katapusan kan semanang iyan magkakaigwa kan espesyal na pahayag sa Abril 17, 2005. An mga kongregasyon na an pampublikong pagtiripon ginigibo sa ibang aldaw imbes na Domingo puedeng iiskedyul an espesyal na pahayag durante kan peryodo nin Abril 11 sagkod 16, 2005.

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa katapusan kan Pebrero. Kun an siisay man nadedepisilan na makua an kahagadan na oras, maninigong iareglo kan kamagurangan na magtao nin tabang. Kun hababang marhay an saindang oras kaya dai na posibleng maabot ninda an taonan na kahagadan, kun siring tibaad mas marahay na konsideraron ninda imbes an pagigin regular na auxiliary payunir.

◼ Maninigong i-audit an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun nagibo na ini, ianunsiar sa kongregasyon pakatapos na basahon an masunod na report sa kuenta.

◼ Sa Domingo, Pebrero 20, 2005, magkakaigwa nin miting kaiba an gabos na nagpaplanong mag-auxiliary payunir durante kan mga bulan nin Marso, Abril, asin Mayo. Ineenkaminar an gabos na konsideraron an pag-auxiliary payunir durante kan espesyal na kampanya kan brosyur nangorogna sa Marso asin Abril. Papangenotan kan paraataman sa paglilingkod an miting na ini, na sinisierto na igwa nin supisyenteng Application for Auxiliary Pioneer Service na ididistribwir sa gabos na maatender sa miting na ini.