Repaso sa Teokratikong Paadalan sa Pagmiministro

An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Abril 25, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Marso 7 sagkod Abril 25, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]

MGA KUALIDAD SA PAGTARAM

1. Kun nag-aandam nin sarong pahayag, paano niato ginagamit nin tama an materyales na iinasignar sa sato, asin taano ini ta importante? [be p. 234 par. 1-3, mga kahon]

2. Gurano kadakol kan asignadong materyales an maninigo niatong probaran na trataron sa sarong pahayag? [be p. 234 par. 4–p. 235 par. 1]

3. Paano niato magagamit an mga hapot tanganing makaenkaminar nin orolay sa ministeryo sa langtad? (Gibo 8:30) [be p. 236 par. 2-5]

4. Paano niato magagamit an mga hapot tangani na tabangan an mga inaadalan sa Biblia na gamiton an saindang “kakayahan na mangatanosan”? (Roma 12:1) [be p. 238 par. 2]

5. Ano an epekto kan mga hapot na nasa Roma 8:31, 32 asin Isaias 14:27? [be p. 239 par. 1-2]

ASIGNASYON NUM. 1

6. Paano niato ‘ibinubugtak si Cristo bilang an pundasyon’ sa satong paggibo nin mga disipulo? (1 Cor. 3:11) [be p. 278 par. 1-2]

7. Mantang tinawan ni Jehova nin lubos na autoridad na mamahala an saiyang Aki kan 1914, ano an satong motibo kun namimibi na, “Dumatong logod an kahadean mo”? (Mat. 6:9, 10) [be p. 279 par. 4]

8. Taano ta maninigo na an gabos na Kristiano magin interesado sa abilidad na magbasa, asin paano si Jesus nagtao nin halimbawa sa bagay na ini? [w03 3/15 p. 10 par. 5; p. 12 par. 2]

9. Paano an mga halimbawa ni Josias asin Jesus makakatabang sa mga hoben na umoswag sa espirituwal? [w03 4/1 p. 8 par. 3-4; p. 10 par. 3]

10. Taano ta makakapagtiwala kita sa Dios? (Tal. 3:5, 6) [w03 11/1 p. 4 par. 6-7]

SEMANAL NA BABASAHON SA BIBLIA

11. Taano ta namibi si Ana na logod ‘tawan ni Jehova nin kosog an saiyang hade’ minsan ngani mayo man kaidto nin tawong hade sa Israel? (1 Sam. 2:10)

12. Ano an manonodan niato sa bagay na an Israel nadaog apisar na nasa tanga ninda an kaban kan tipan? (1 Sam. 4:3, 4, 10)

13. Taano an 1 Cronica 2:13-15 ta nagsasabing si David an ikapitong aki ni Jese, mantang an 1 Samuel 16:10, 11 nagsasabi na sia an ikawalo?

14. Anong “maraot na espiritu” an nagpatakot nin grabe ki Saul? (1 Sam. 16:14)

15. Tama daw an prediksion ni “Samuel” paagi sa patagolainan sa En-dor? (1 Sam. 28:16-19)