Mga Paisi
◼ Alok sa Agosto: Puedeng ialok an arin man sa mga brosyur. Setyembre: Iaalok an librong Itinotokdo kan Biblia. Maninigong gumibo nin espesyal na paghihingoa tanganing makapoon nin pag-adal sa Biblia sa enot na pagdalaw. Maninigong kultibaron an interes kan gabos na napasakamotan paagi sa pagdalaw liwat na may katuyohan na makapoon nin pag-adal sa Biblia. Oktubre: Ialok an indibiduwal na mga kopya kan An Torrengbantayan sagkod Awake! Kun magpaheling nin interes, iintrodusir an brosyur na Magdanay Kamong Mapagbantay! tanganing kultibaron an orog pang interes sa Biblia. Nobyembre: Iaalok an librong Makanood sa Dakulang Paratokdo. Kun sabihon kan mga kagharong na mayo sinda nin aki, ialok an pulyetong Ano Gusto Nindong Makaaram Pa nin Orog Manongod sa Biblia? o iba pang angay na pulyeto.
◼ An nangengenot na paraataman o saro na inasignaran nia maninigong siyasaton an kuenta kan kongregasyon sa Setyembre 1 o sa petsang pinakaharani na mapupuede pakatapos kaiyan. Ipaisi sa kongregasyon kun nagibo na ini.
◼ Kaiba kan kuenta kan Hunyo, maresibi an lambang kongregasyon nin duwang kopya kan Congregation Analysis Report (S-10). Lellenaran kan sekretaryo kan kongregasyon an pormang ini nin tama asin maayos, na pakatapos kaiyan maninigo iyan na maingat na siyasaton kan komite sa paglilingkod. Sa likod na pahina kan pormang ini kaipuhan na ilista an gabos na regular payunir, na ipinapaheling an saindang total na oras para sa taon nin paglilingkod. Maninigong ipadara an orihinal kan pormang ini sa sangang opisina pag-abot nin Setyembre 6. Isaray an duplikado sa saindong file.
◼ Maninigong ipadara na ngonyan sa sangang opisina an mga pedido para sa Pagsiyasat sa Kasuratan Aroaldaw—2007 asin 2007 Calendar. Mapadara kami nin special order blank para sa duwang ini kaiba kan kuenta kan Hunyo. Kun nagkapirang kongregasyon an naggagamit nin sarong Kingdom Hall, titiponon kan nagkokoordinar kan literatura an mga pedido hale sa lambang kongregasyon asin pag-iiribanon sa sarong order blank na ipapadara sa sangang opisina pag-abot nin Agosto 15, 2006.