Mga Paisi

◼ Alok sa Agosto: Puedeng ialok an arin man sa mga brosyur; minsan siring, marahay na pirmeng darahon an brosyur na Kahagadan tanganing magkaigwa nin oportunidad na makapoon nin mga pag-adal sa Biblia. Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda makikinabang dian paagi sa halipot na pagdemonstrar nin pag-adal sa Biblia. Oktubre: Mga magasin na An Torrengbantayan asin Awake! Kun may ipinaheling na interes, ipresentar asin ipakipag-olay an pulyetong Ano Gusto Nindong Makaaram Pa nin Orog Manongod sa Biblia? na may katuyohan na makapoon nin pag-adal sa Biblia. Nobyembre: Makanood sa Dakulang Paratokdo. Kun may mga indibiduwal na magsabi na mayo sinda nin aki, ialok an brosyur na Magdanay Kamong Mapagbantay!

◼ Kaiba kan kuenta kan Hunyo, maresibi an lambang kongregasyon nin duwang kopya kan Congregation Analysis Report (S-10). Susuratan kan sekretaryo kan kongregasyon an pormang ini nin tama asin maayos, na pakatapos kaiyan maninigo iyan na maingat na siyasaton kan komite sa paglilingkod. Sa likod na pahina kan pormang ini kaipuhan na ilista an gabos na regular payunir, na ipinapaheling an saindang total na oras para sa taon nin paglilingkod. Maninigong ipadara sa sangang opisina an orihinal kan pormang ini pag-abot nin Setyembre 6, 2007. Isaray an ikaduwang kopya sa saindong file.

◼ Maninigong ipadara na ngonyan sa sangang opisina an mga pedido para sa Pagsiyasat sa Kasuratan Aroaldaw—2008 asin 2008 Calendar. Mapadara kami nin special order blank para sa duwang ini kaiba kan kuenta kan Hunyo. Kun nagkapirang kongregasyon an naggagamit nin sarong Kingdom Hall, titiponon kan nagkokoordinar kan literatura an mga pedido hale sa lambang kongregasyon asin pag-iiribanon an mga iyan sa sarong order blank na ipapadara sa sangang opisina pag-abot nin Agosto 15, 2007.