Mga Paisi
◼ Alok sa Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda makikinabang dian paagi sa halipot na pagdemonstrar nin pag-adal sa Biblia. Oktubre: Mga magasin na An Torrengbantayan asin Awake! Kun may ipinaheling na interes, ipresentar asin ipakipag-olay an pulyetong Ano Gusto Nindong Makaaram Pa nin Orog Manongod sa Biblia? na may katuyohan na makapoon nin pag-adal sa Biblia. Nobyembre: Makanood sa Dakulang Paratokdo. Kun may mga indibiduwal na magsabi na mayo sinda nin aki, ialok an brosyur na Magdanay Kamong Mapagbantay! Disyembre: Puedeng ialok an arin man sa minasunod na mga libro: The Greatest Man Who Ever Lived, Rumani ki Jehova, o An Sekreto sa Kaogmahan nin Pamilya.
◼ An nangengenot na paraataman o saro na inasignaran nia maninigong siyasaton an kuenta kan kongregasyon para sa mga bulan nin Hunyo, Hulyo, asin Agosto. Kun nagibo na ini, maninigong ianunsiar ini sa kongregasyon pakatapos na basahon an masunod na report sa kuenta.—Helingon an Instructions for Congregation Accounting (S-27).
◼ Pag-oolayan an video na Jehovah’s Witnesses—Organized to Share the Good News sa Pagtiripon sa Paglilingkod sa Disyembre. Kun kaipuhan, maninigong magpedido kaini paagi sa kongregasyon sa pinakamadaling panahon na mapupuede.
◼ Pinapagirumdom an kamagurangan na padagos na sundon an mga instruksion na itinao sa pahina 21-3 kan Torrengbantayan na Abril 15, 1991, mapadapit sa siisay man na tiwalag o disasosyado na tibaad may tendensia na bumalik.
◼ Pasabot sa Gabos na Kamagurangan: Sa “Hapot” sa pahina 7 kan An Satong Ministeryo sa Kahadean na Nobyembre 2005, sinabi na kaipuhan na aprobaran kan kongregasyon an sarong resolusyon tanganing bayadan an mga gastos kan paraataman sa sirkito durante kan saiyang pagsongko. Liniwat na ini ngonyan. Dai na kaipuhan na gumibo nin resolusyon para sa katuyohan na ini. An ano man na nagastos kan paraataman sa sirkito durante kan saiyang pagsongko na pinagkaoroyonan nin kamagurangan na bayadan puedeng ibilang na ordinaryong gastos asin puedeng bayadan hale sa pondo kan kongregasyon dawa mayo nin resolusyon.