Mga Paisi
◼ Alok sa Oktubre: Mga magasin na An Torrengbantayan asin Awake! Kun may ipinaheling na interes, ipresentar asin ipakipag-olay an pulyetong Ano Gusto Nindong Makaaram Pa nin Orog Manongod sa Biblia? na may katuyohan na makapoon nin pag-adal sa Biblia. Nobyembre: Makanood sa Dakulang Paratokdo. Kun may mga indibiduwal na magsabi na mayo sinda nin aki, ialok an brosyur na Magdanay Kamong Mapagbantay! Disyembre: Puedeng ialok an arin man sa minasunod na mga libro: The Greatest Man Who Ever Lived, Rumani ki Jehova, o An Sekreto sa Kaogmahan nin Pamilya. Enero: Puedeng ialok an arin man na 192 na pahinang libro na ipinublikar bago kan 1991. An mga kongregasyon na mayo nin suplay nin siring na mga libro puedeng ialok an librong Kaaraman (kun makukua iyan) o an brosyur na Magdanay Kamong Mapagbantay!
◼ Puede nang ipadara ngonyan sa sangang opisina an mga pedido para sa 2008 Yearbook. May ipinadarang Yearbook Order Blank para digdi kaiba kan mga ipinadara kan Agosto. Maninigong isurat kan mga nagkokoordinar asin lingkod sa literatura an hinahagad na impormasyon asin ibalik an orihinal sa sangang opisina dai malihis sa Nobyembre 15, 2007.
◼ May duwang kompletong Pandistritong Kombension na Pagtaram Paagi sa Senyas na inaareglo sa taon na ini, saro sa Quezon City asin an saro pa sa Cagayan de Oro City. Maninigong umatender sa saro sa mga programang ini an siisay man na bungog na nakakasabot nin pagtaram paagi sa senyas, huling mayo nin inareglong programa para sa mga bungog sa ibang kombension.
◼ Huling an Disyembre igwa nin limang Sabado asin limang Domingo, marahayon na bulan iyan na mag-auxiliary payunir.
◼ Pag-oolayan an video na Transfusion-Alternative Health Care—Meeting Patient Needs and Rights sa Pagtiripon sa Paglilingkod sa Enero. Kun kaipuhan, maninigong magpedido nin mga kopya paagi sa kongregasyon sa pinakamadaling panahon na mapupuede.
◼ Tabi mangnohon na an tugang na lalaking nagpepresentar kan huring kabtang sa Pagtiripon sa Paglilingkod an maninigong mag-introdusir kan pantapos na kanta. Pakatapos kaiyan, sia o an saro pang kualipikadong tugang na lalaki na inasignar nin patienot an matao kan pantapos na pamibi.
◼ Makukuang Bagong Publikasyon:
New World Translation of the Holy Scriptures (edisyon na malumoy an tutob)—Iloko