Repaso sa Teokratikong Paadalan sa Pagmiministro
An minasunod na mga hapot pag-oolayan sa Teokratikong Paadalan sa Pagmiministro durante kan semana poon Pebrero 25, 2008. Pamamayohan kan paraataman sa paadalan an 30 minutos na repaso basado sa mga reperensia na kinobrehan sa mga asignasyon para sa mga semana nin Enero 7 sagkod Pebrero 25, 2008. MGA KUALIDAD SA PAGTARAM
1. Ano an kaipuhan niatong gibohon tanganing matabangan an mga nagdadangog sa sato na masabotan an kahulogan nin mga teksto, asin taano ta maninigo ining gibohon? [be p. 228 par. 2-3]
2. Taano ta mahalaga na gibohon niato na nakakapagtokdo sa mga nagdadangog sa sato an satong mga presentasyon, asin paano niato ini magigibo? [be p. 230 par. 3-5 asin kahon]
3. Sa anong mga paagi na an pagsiyasat makakatabang na magin mas nakakapagtokdo an satong mga pahayag? [be p. 231 par. 1-3]
4. Ano an magigibo niato tanganing magin mas nakakapagtokdo an paggamit niato nin pamilyar na mga teksto? [be p. 231 par. 4-5]
5. Taano ta importante na mangatanosan manongod sa mga tekstong binabasa niato? [be p. 232 par. 3-4]
ASIGNASYON NUM. 1
6. Ano an nagpaparisa na an libro nin Mateo isinurat na sa pangenot nasa isip an mga Judio? [bsi08-1 Mat. par. 6-7]
7. Paano niato ikakaandam an satong puso na mag-ako nin pagtotokdo nin Dios hale sa plataporma? (2 Cron. 20:33) [be p. 13 par. 4–p. 14 par. 5]
8. Ano an magigibo nin mga magurang tanganing patuodon an saindang mga aki na magin ‘madonong para sa kaligtasan’? (2 Tim. 3:15) [be p. 16 par. 3-4]
9. Paano idinodoon kan Ebanghelyo ni Mateo an kaotoban kan hula sa Biblia? [bsi08-1 Mat. par. 32]
10. Mantang ilinaladawan kan Ebanghelyo ni Mateo si Jesus bilang an ipinanugang Mesiyas asin Hade, paano sia ilinaladawan kan Ebanghelyo ni Marcos? [bsi08-1 Mar. par. 7-8]
SEMANAL NA BABASAHON SA BIBLIA
11. An pagpaluwas daw nin kaanggotan mas magabat kisa sa pagtanom kaiyan sa boot? (Mat. 5:21, 22) [w08 1/15 “An Tataramon ni Jehova Buhay—Tampok na mga Kabtang sa Libro nin Mateo”]
12. Paano pinapagdadanay kan mga Kristiano an ‘simpleng mata’? (Mat. 6:22, 23) [w06 10/1 p. 29]
13. Ano an puntong idinodoon ni Jesus kan hapoton nia an saiyang mga disipulo: “Nasabotan daw nindo an gabos na bagay na ini?” (Mat. 13:51, 52) [w08 1/15 “An Tataramon ni Jehova Buhay—Tampok na mga Kabtang sa Libro nin Mateo”]
14. Taano ta parateng pinagbotan ni Jesus an mga pinaomayan nia na “dai sia ihayag”? (Mat. 12:16) [w87-E 5/15 p. 9; cl p. 93-4]
15. Ano an punto ni Jesus mapadapit sa “sokol” na “isinosokol” nin saro? (Mar. 4:24, 25) [w80-E 6/15 p. 12; gt-E kap. 43]