Mga Paisi
◼ Alok sa Mayo: An pampublikong edisyon kan An Torrengbantayan kaiba kan Awake! Kun nagdadalaw liwat sa mga interesado, magkonsentrar sa pagpoon nin mga pag-adal sa Biblia na ginagamit an librong Itinotokdo kan Biblia. Hunyo: Ano Man Nanggad an Itinotokdo kan Biblia? Maghingoa nin maigot na makapoon nin mga pag-adal sa Biblia. Hulyo asin Agosto: Puedeng ialok an arin man sa mga brosyur.
◼ Sa masunod na pirang bulan ipapadara niamo saindo an mga porma na kakaipuhanon nindo sa kongregasyon durante kan maabot na taon. Kun igwa nin iba pang porma na kakaipuhanon nindo, puede ining pedidohon sa dating paagi, na ginagamit an Literature Request Form (S-14). Ipapadara an mga pormang ini na daing bayad, alagad mayong duwa-duwa na gugustohon kan mga kongregasyon na magtao nin rasonableng kontribusyon sa pambilog na kinaban na gibohon tanganing makatabang sa mga gastos sa pag-imprenta asin pagpadara. Mangnohon tabi na an mga badge card para sa mga Pandistritong Kombension sa 2008 iiiba sa mga porma na ipapadara, kaya dai na kaipuhan na pedidohon ini apuera sana kun maheling nindo na bakong supisyente an bilang na ipinadara niamo saindo. Minsan siring, an ano man na mga celluloid badge holder na kaipuhan maninigong pedidohon sa dating pormang S-14.
◼ Maninigong repasohon kan mga grupo nin kamagurangan an surat na Hulyo 6, 2006 mapadapit sa pagigin andam kun may kalamidad asin siertohon na igwa sinda nin pinakabagong impormasyon kun paano kokontakon an lambang parahayag. Sa mga lugar na pirmeng may kalamidad, maninigong magkaigwa nin dugang pang impormasyon kun paano sinda kokontakon kun may emerhensia. Siempre, apuera sa mga emerhensia, makakatabang kun makikikomunikar an mga parahayag sa saindang paraataman sa Pag-adal sa Libro kan Kongregasyon o sa ibang magurang sa kongregasyon kun sinda mayo sa kongregasyon sa halawig na mga panahon, arog baga kun mabiahe tangani na magbakasyon o huli sa negosyo, nasa ospital, asin iba pa.
◼ Tanganing siertohon an seguridad kan Kingdom Hall, an huring mahale sa edipisyong iyan iyo an maninigong magbarat kan pinto asin maggibo nin ano man na iba pang bagay para sa seguridad. Kun dai nia kayang gibohon iyan, maninigo niang apodon an saro pa na makakagibo kaiyan dangan halaton sagkod na umabot an sarong iyan bago sia maghale. An kamagurangan maninigo na pirmeng magkaigwa nin pinakabagong lista nin mapagtitiwalaan na mga parahayag na tinawan nin mga liabe sa Kingdom Hall.
◼ Makukuang Bagong MP3:
Bible Dramas—MP3—Ingles (May 14 audio drama sa sarong disc na dating nakarekord sa indibiduwal na mga audiocassette asin CD.)