Pakikinabang sa Librong An Sekreto sa Kaogmahan nin Pamilya
1 Maoogma kamong maaraman na poon sa semana nin Agosto 4, 2008, pag-aadalan niato an librong An Sekreto sa Kaogmahan nin Pamilya sa Pag-adal sa Libro kan Kongregasyon. Mayo nin magugustong mapaltahan an panggrupong pag-adal sa praktikal asin sono sa Kasuratan na giyang ini para sa sarong maogmang buhay pampamilya. An iskedyul sa pag-adal magtataong lugar para sa detalyadong pagsiyasat sa lambang parapo asin teksto sa Biblia na yaon sa libro.
2 An bilog na enot na kapitulo pag-aadalan sa enot na semana kan pag-adal, huli ta iyan igwa nin pira sanang dai kinotar na teksto. Siring man, poon sa kapitulo 15 sagkod 16, an bilog na kapitulo pag-aadalan sa saro sanang sesyon. Minsan siring, an gabos na iba pang kapitulo babangaon sa duwang kabtang, na mga kabanga nin sarong kapitulo an pag-aadalan kada semana. Sa siring, magkakaigwa nin igong panahon na basahon asin pag-olayan an gabos na sitadong teksto saka maingat na siyasaton an aplikasyon nin gabos na kinotar na teksto sa lambang parapo.
3 An sarong mahalagang kabtang kan pag-adal iyo an pag-orolay dapit sa impormasyon sa kahon sa pagtotokdo na yaon sa katapusan nin kada kapitulo. Kun siring, maninigong magtao nin bastanteng panahon na pag-olayan an mga hapot asin an sitadong mga teksto sa kahon.
4 Sinasadol an mga paraataman sa Pag-adal sa Libro kan Kongregasyon na magtao nin espesyal na atension sa pag-andam ninda para sa pag-adal asin na dagkahon an gabos na nakaasignar sa saindang grupo, pati na an mga bagohan, na mag-andam na marhay, mag-atender nin regular, asin makikabtang.—od 69-72.