Mga Paisi

◼ Alok sa Hulyo asin Agosto: Puedeng ialok an arin man sa mga brosyur; minsan siring, marahay na pirmeng darahon an brosyur na Kahagadan tanganing magkaigwa nin oportunidad na makapoon nin mga pag-adal sa Biblia. Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda puedeng makinabang dian paagi sa halipot sanang pagdemonstrar nin pag-adal sa Biblia. Oktubre: Mga magasin na An Torrengbantayan asin Awake! Kun may magpaheling nin interes, ipresentar asin ipakipag-olay an pulyetong Ano Gusto Nindong Makaaram Pa nin Orog Manongod sa Biblia?

◼ Mantang an Agosto may limang Sabado asin Domingo, iyan marahayon na bulan na mag-auxiliary payunir.

◼ Poon sa Setyembre, an mga paraataman sa sirkito matao kan pampublikong pahayag na may temang “Lumakaw sa Dalan nin Integridad.”

◼ An sangang opisina dai nag-aako nin mga pedido nin literatura hale sa indibiduwal na mga parahayag. Maninigong iareglo kan nangengenot na paraataman na magtao nin paisi kada bulan bago ipadara sa sangang opisina an bulanan na kahagadan para sa literatura kan kongregasyon, tanganing an gabos na interesadong kumua nin personal na mga literatura makapagsabi sa tugang na nag-aasikaso kan literatura. Tabi girumdomon kun arin na mga publikasyon an special-request items.

◼ Maninigong gibohon an taonan na imbentaryo kan gabos na literatura asin magasin na nasa istak sa Agosto 31, 2008, o sa petsang pinakaharani dian na mapupuede. An imbentaryong ini kapareho kan aktuwal na pagbilang na ginigibo nin bulanan kan nagkokoordinar kan literatura, asin maninigong ilaog an mga total sa pormang Literature Inventory (S-18). Maninigong kuanon sa (mga) lingkod na nag-aasikaso kan magasin an total na bilang nin mga magasin na nasa istak. An sekretaryo kan nagkokoordinar na kongregasyon an maninigong magdirehir sa pag-imbentaryo. Sia asin an nangengenot na paraataman kan nagkokoordinar na kongregasyon an mapirma sa porma. Maresibi an lambang nagkokoordinar na kongregasyon nin tolong pormang Literature Inventory. Ipadara tabi an orihinal sa sangang opisina dai malihis sa Setyembre 6. Magsaray nin kopya para sa saindong mga file. Puedeng gamiton na work sheet an ikatolong kopya.

◼ Sa Sabado, Agosto 30, 2008, magkakaigwa nin pangkagabsan na paglinig sa Bethel sa Quezon City, kun siring an Bethel serado sa agang iyan nin Sabado. Daing pagpasyar sa aldaw na iyan. An Resepsion Para sa Literatura serado man sa agang iyan.