Repaso sa Teokratikong Paadalan sa Pagmiministro

An minasunod na mga hapot pag-oolayan sa Teokratikong Paadalan sa Pagmiministro durante kan semana poon Pebrero 23, 2009. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Enero 5 sagkod Pebrero 23, 2009.

1. Paanong an Dios nagpaluwas nin liwanag kan enot na aldaw kun an mga ilaw ginibo kaidto sanang ikaapat na aldaw? (Gen. 1:3, 16) [w04 1/1 p. 28 par. 5]

2. Ano an isinusuherir kan bagay na dai sinabihan ni Jehova si Noe na sakopon an daga siring kan sinabi nia sa sangkap na si Adan? (Gen. 9:1) [it-2-E p. 1095 par. 6]

3. Anong petsa nagkaepekto an Abrahamikong tipan, asin gurano iyan kalawig? (Gen. 12:1-4) [w04 1/15 p. 26 par. 4; w01 8/15 p. 17 par. 13]

4. Ano an nagpapatunay na si Nimrod asin an nagsurunod sa saiya dai nagin mapanggana sa kamawotan ninda na gumibo ‘nin bantog na ngaran para sa sainda man sana’? (Gen. 11:4) [w98 3/15 p. 25]

5. Mantang inapod si Lot na “matanos” sa 2 Pedro 2:7, taano ta iinalok nia an saiyang mga aking babae sa maraot na sururog? (Gen. 19:8) [w05 2/1 p. 26 par. 15-16; w04 1/15 p. 27 par. 3]

6. Mantang an diosnon na mga agom na lalaki maninigo na atamanon an mga sadiri ninda, taano ta nagibo ni Abraham na pahaleon pasiring sa kaawagan si Agar asin Ismael? (Gen. 21:10-21; 1 Tim. 5:8) [w88 2/15-E p. 31]

7. Anong leksion an manonodan niato sa paghingoa ni Eliezer na gibohon an mga bagay sono sa paagi ni Jehova sa paghanap nia nin magigin agom ni Isaac? (Gen. 24:14, 15, 17-19, 26, 27) [w97 1/1 p. 31 par. 2]

8. Ano an boot sabihon kan pangatorogan ni Jacob na nakaheling sia nin mga anghel na ‘nagsasarakat asin naghihirilig sa sarong hagyanan’? (Gen. 28:10-13) [w03 10/15 p. 29 par. 1; it-2-E p. 189]

9. Taano ta interesadong marhay si Raquel na magkaigwa kan mga mandragora kan aking lalaki ni Lea? (Gen. 30:14, 15) [w04 1/15 p. 28 par. 7]

10. Paano nagin marahay an halimbawa ni Jacob sa pagresolber nin personal na mga dai pagkakasundo? (Gen. 33:3, 4) [g82 2/22-E p. 19 par. 8-10]