Mga Paisi

◼ Alok sa Pebrero: Ialok an saro sa minasunod na mga libro kun igwa, Is There a Creator Who Cares About You?, An Sekreto sa Kaogmahan nin Pamilya, o The Bible​—God’s Word or Man’s? Marso: Ano Man Nanggad an Itinotokdo kan Biblia? Abril asin Mayo: An mga magasin na An Torrengbantayan asin Awake!

◼ Maninigong repasohon kan sekretaryo asin paraataman sa paglilingkod an aktibidad kan mga regular payunir sa katapusan kan Pebrero. Kun igwa nin nadedepisilan sa pag-abot sa kahagadan na oras, maninigong iareglo kan kamagurangan na magtao nin tabang tangani na maabot ninda an taonan na kahagadan na oras pag-abot kan Agosto 31, 2009.

◼ Sa Domingo, Pebrero 15, 2009, pagkatapos kan Pag-adal sa Torrengbantayan, magkakaigwa nin halipot na miting kaiba an gabos na nagpaplanong mag-auxiliary payunir sa Marso, Abril, asin Mayo. An paraataman sa paglilingkod an mamamayo sa miting na ini, na sinesegurado na may supisyenteng Application for Auxiliary Pioneer Service na ididistribwir sa mga maatender.

◼ Maninigong seguradohon kan mga sekretaryo kan kongregasyon na igwa sinda nin Pioneer Appointment Letter (S-202) para sa lambang regular payunir sa kongregasyon. Kun mayo, paaramon tabi an sangang opisina paagi sa surat.