Repaso sa Teokratikong Paadalan sa Pagmiministro

An minasunod na mga hapot pag-oolayan sa Teokratikong Paadalan sa Pagmiministro durante kan semana poon Abril 27, 2009. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Marso 2 sagkod Abril 27, 2009.

1. Paano inatubang ni Jose an aroaldaw na sugot na nag-abot sa saiya? (Gen. 39:7-12) [lv p. 105 par. 18–p. 106 par. 20]

2. Ano an sinasabi kan Biblia manongod sa mga pagselebrar nin kumpleanyo? (Gen. 40:20-22) [lv p. 150 par. 9–p. 151 par. 11]

3. Paano sarong marahayon na halimbawa si Jose sa pagpatawad sa mga nagkasala sa sato? (Gen. 45:4, 5) [w99 1/1 p. 31 par. 2-3]

4. Ano an epekto kan pagsabi ni Jose: “Dapat na haleon nindo digdi an sakong mga tolang”? (Gen. 50:25) [w07 6/1 p. 28 par. 10]

5. Ano an puedeng magtao sa sato nin kompiansa kun kita mag-ako nin masakit na asignasyon? (Ex. 4:10, 13) [w04 3/15 p. 25 par. 4]

6. Ano an resulta kan paagi nin pagresolber ni Jehova sa situwasyon may koneksion ki Faraon, asin paano maninigong makaapektar sa sato an mga pangyayaring idto? (Ex. 9:13-16) [w05 5/15 p. 21 par. 8]

7. Ano an kahulogan kan Exodo 14:30, 31 para sa satong panahon? [w04 3/15 p. 26 par. 5]

8. Arog kan maheheling sa Exodo 16:1-3, ano an mga peligro huli sa pagrereklamo? [w93 3/15 p. 20 par. 2–p. 21 par. 2]

9. Kaoyon kan mga termino sa Tipan nin Ley na sinabi sa Exodo 19:5, 6, sagkod sa anong paagi masasabi na an Israel sarong ‘kahadean nin mga saserdote asin sarong banal na nasyon’? [w95 7/1 p. 16 par. 8]

10. Sa anong paagi na an ikasampulong togon mapadapit sa pagkaara nakakalabi sa mga ley na gibo nin tawo? (Ex. 20:17) [w06 6/15 p. 23-24 par. 16]