Repaso sa Teokratikong Paadalan sa Pagmiministro
An minasunod na mga hapot tutukaron sa Teokratikong Paadalan sa Pagmiministro sa semana nin Agosto 26, 2013. Iiniba an petsa kun kasuarin tinukar an kada punto tanganing makapagsiyasat kun nag-aandam para sa paadalan kada semana.
1. Anong mahalagang marhay na leksiyon an manunudan ta sa tulos na pag-ako ni Hading Herodes nin dai maninigong kaumawan asin kamurawayan sa mga tawo? (Gui. 12:21-23) [Hul. 1, w08 5/15 p. 32 par. 7]
2. Paano makikinabang an Kristiyanong mga hoben kun pag-iisipan asin aarugon ninda an halimbawa ni Timoteo? (Gui. 16:1, 2) [Hul. 8, w08 5/15 p. 32 par. 10]
3. Kan madangog ni Aquila asin Priscila si Apolos na ‘nagtataram nin may kaisugan’ sa sinagoga sa Efeso, paano ninda siya mamumuton na tinabangan? (Gui. 18:24-26) [Hul. 15, w10 6/15 p. 11 par. 4]
4. Ano an suno sa Kasuratan na basehan kan Mga Saksi ni Jehova na gamiton an mga korte kan nasyon tanganing protektaran an saindang deretso na maghulit? (Gui. 25:10-12) [Hul. 22, bt-E p. 198 par. 6]
5. Paano si apostol Pablo nagpadagos sa paghanap nin mga paagi na magpatotoo dawa nakabilanggo sa Roma, asin paano inaarog kan mga lingkod ni Jehova ngunyan an saiyang halimbawa? (Gui. 28:17, 23, 30, 31) [Hul. 29, bt-E p. 215-217 par. 19-23]
6. Taano ta kinokondenar kan Bibliya an homoseksuwal na mga gibo bilang bakong natural asin makababaldi? (Roma 1:26, 27) [Ago. 5, g-E 1/12 p. 28 par. 7]
7. Paano mababayadan kan ‘pantubos ni Cristo Jesus’ na itinao kan 33 C.E. an ‘mga kasalan na ginibo kaidto’ bago iyan ibinayad? (Roma 3:24, 25) [Ago. 5, w08 6/15 p. 29 par. 6]
8. Anong mamumuton na probisyon an ginibo ni Jehova para sa mga panahon na napapaatubang kita sa mga sitwasyon na nakakaribaraw na gayo asin dai ta aram kun ano an dapat na ipamibi niyato? (Roma 8:26, 27) [Ago. 12, w08 6/15 p. 30 par. 10]
9. Ano an ipinapakahulugan kan sadol na ‘magin parapasakat’? (Roma 12:13) [Ago. 19, w09 10/15 p. 5-6 par. 12-13]
10. Paano niyato ‘isusulog an Kagurangnan na si Jesu-Cristo,’ arog kan isinasadol ni apostol Pablo? (Roma 13:14) [Ago. 26, w05 1/1 p. 11-12 par. 20-22]