Ibalangibog nin May Kaigutan an Katotoohan Manungod ki Jesus

Nag-uurog an satong kaigutan pag aram ta kun paano ihihiras sa iba an katotoohan manungod ki Jesus. Si Jesus an pinakapundasyon na gapo kun sain nakatugdok, o nakabasar, an tunay na pagtubod. (Efe. 2:20) Kun bako sa saiya, dai kutana kita nin paglaom para sa buhay. (Gui. 4:12) Kaya mahalagang midbidon kan gabos an papel ni Jesus sa katuyuhan nin Diyos. Dakul an nalagalag kan mga doktrina na bakong suno sa Kasuratan. An makamumundo, puwedeng dai sinda makinabang sa mga panuga nin Diyos para sa mga nagpapahiling nin pagtubod ki Jesus. An satong kaigutan para sa katotoohan mapahiro sa sato na tabangan an mga sadiyosan an puso na magkaigwa nin tamang kaaraman manungod ki Jesus, sa saiyang relasyon sa Diyos, asin sa saiyang papel sa katuyuhan nin Diyos. Sa panahon nin Memoryal, maigot mo daw na ibabalangibog an katotoohan manungod ki Jesus?