May Puwersa Daw an Tataramon nin Diyos sa Pang-aroaldaw na Buhay Mo?

An pagbasa nin Bibliya aroaldaw matabang sa sato na magin “nakagamot” asin ‘marigon sa satong pagtubod.’ (Col. 2:6, 7) Pero, tanganing magkaigwa nin puwersa sa satong buhay an Tataramon ni Jehova, dapat tang hurop-hurupon asin iaplikar an mga prinsipyo kaiyan. (Heb. 4:12; Sant. 1:22-25) Sinasabi sa Josue 1:8 an tulong epektibong lakdang sa pagbasa: (1) Basahon an Tataramon nin Diyos ‘aldaw asin banggi.’ (2) Basahon iyan sa tamang rikas para ‘mahurop-hurop’ asin maimahinar an mga eksena asin pangyayari. (3) Pagmaigutan na iaplikar an ‘gabos na nakasurat’ diyan. Kun gigibuhon ta an mga suhestiyon na ini, ‘mapapakarhay’ an satong buhay asin mahiro kita nin may kadunungan sa aroaldaw.