Si Jesus Nagadan Para Man sa Saimong Tugang

Isinakripisyo ni Jesus an saiyang buhay para sa bakong perpektong mga tawo. (Ro 5:8) Siguradong pinapahalagahan niyato na ipinahiling sa sato ni Jesus an saiyang pagkamuot paagi sa pagtao kan saiyang buhay alang-alang sa sato. Pero kun minsan, tibaad kaipuhan tang ipagirumdom sa satong sadiri na si Cristo nagadan para man sa mga tugang ta. Paano ta maipapahiling an arog-Cristong pagkamuot sa satong mga tugang, na arog ta, bako man perpekto? May tulong paagi. Inot, puwede tang hinguwahon na magin amigo man idtong mga iba an pinaghalian, kultura, o lahi. (Ro 15:7; 2Co 6:12, 13) Ikaduwa, puwede kitang magin maingat para dai kita makataram o makagibo nin ano man na puwedeng makakulog sa iba. (Ro 14:13-15) Ultimo, kun may magkasala sa sato, puwede ta siyang patawadon tulos. (Lu 17:3, 4; 23:34) Kun pagmamaigutan tang arugon si Jesus sa tulong paaging ini, padagos na bebendisyunan ni Jehova nin katuninungan asin pagkasararo an kongregasyon.

HILINGON AN VIDEO NA MAGIN MAS MAHUSAY PA! DANGAN SIMBAGON AN MINASUNOD NA HAPOT:

• 

  Ano an sabuot ni Miki sa saiyang kongregasyon kan primero?

• 

  Ano an nakapabago kan sabuot niya?

• 

  Paano nakatabang ki Miki an halimbawa ni Jesus na baguhon an pananaw niya? (Mar 14:38)

• 

  Paano makakatabang sa sato an Talinhaga 19:11 na magin positibo an paghiling sa mga kapwa Kristiyano?