PAMUMUHAY BILANG KRISTIYANO

An Malinig na Paggawi Asin Hararom na Paggalang Nakakaabot nin Puso

Sa parati, an marahay na paggawi kan mga agom na babayi na nagin Kristiyano an dahilan kaya nadadara ninda sa katotoohan an saindang agom. Pero, tibaad mangahulugan ini na kaipuhan nindang magtagal nin mga kasakitan sa laog nin dakul na taon. (1Pe 2:21-23; 3:1, 2) Kun bakong marahay an pagtrato saimo, padagos na daugon nin marahay an maraot. (Ro 12:21) An marahay mong halimbawa puwedeng magkaigwa nin positibong epekto na dai magigibo kan mga tataramon sana.

Hinguwahon na mansayon an mga bagay-bagay arog kan pagmansay diyan kan saimong agom. (Flp 2:3, 4) Magpahiling nin empatiya saka pagmalasakit, saka gibuhon an pinakamakakaya mo na maasikaso an mga responsabilidad mo bilang agom. Magin marahay na paradangog. (San 1:19) Magin mapasensiya, asin ipamati sa saimong agom na namumutan mo siya. Dawa bakong mabuot saka magalang saimo an agom mo, makakasigurado ka na pinapahalagahan ni Jehova an saimong kaimbudan.—1Pe 2:19, 20.

HILINGON AN VIDEO NA PINAPAKUSOG KITA NI JEHOVA PARA MAKAYA TA AN SATONG PASAN, DANGAN SIMBAGON AN MINASUNOD NA MGA HAPOT:

Ano an nagin buhay ni Grace Li kan bago pa sana siyang mag-agom?
Taano ta nagkainteres siya sa katotoohan sa Bibliya?
Paano tinagalan ni Sister Li an mga kadipisilan na napaatubang saiya kan siya mabawtismuhan?
Ano an ipinamibi ni Sister Li may koneksiyon sa saiyang agom?
Anong mga bendisyon an inako ni Sister Li huli sa saiyang marahay o malinig na paggawi asin hararom na paggalang?

Mga ritrato: Mga eksena hali sa videong ‘Pinapakusog Kita ni Jehova Para Makaya Ta an Satong Pasan,’ na ipinapahiling an pag-uswag ni Grace Li. 1. Si Grace na naghihibi sa may eskinita. 2. Sarong sister na nagtutukdo nin Bibliya ki Grace. 3. Si Grace saka an mga aki niya na paluwas sa restawran ninda para mag-atender sa pagtiripon. 4. Si Grace kaiba an siyam na miyembro kan saiyang pamilya sa sarong Kingdom Hall — An malinig na paggawi asin hararom na paggalang mapuwersa!