Dai Nuarin Man Binayaan ni Jehova si Jose

39:1, 12-14, 20-23

Kan mga panahon na nag-aagi si Jose nin kasakitan, pinangyari ni Jehova na magin “marahay an resulta kan gabos niyang ginigibo” asin binendisyunan niya ini tanganing “mauyunan siya kan namamayong opisyal sa presuhan.” (Ge 39:2, 3, 21-23, NWT) Anong mga leksiyon an manunudan ta digdi?

• Kun nag-aagi kita nin mga kasakitan bako iyan dahil sa naiwara ta an pag-uyon ni Jehova.—Sal 34:19

• Dapat tang isipon an gabos na marahay na bagay na ginigibo sa sato ni Jehova asin magin mapagpasalamat.—Flp 4:6, 7

• Dapat na magsarig kita ki Jehova para sa tabang.—Sal 55:22