MARSO 17-23
TALINHAGA 5
Kanta 122 Asin Pamibi | Introduksiyon (1 min.)
1. Rumayo sa Seksuwal na Imoralidad
(10 min.)
An seksuwal na imoralidad puwedeng nakakaakit (Tal 5:3; w00 7/15 29 ¶1)
An seksuwal na imoralidad nagbubunga nin mapait na mga resulta (Tal 5:4, 5; w00 7/15 29 ¶2)
Rumayo sa seksuwal na imoralidad (Tal 5:8; w00 7/15 29 ¶5)
Sarong sister na nagsasayumang itao an saiyang numero sa sarong lalaki
2. Espirituwal na Kayamanan
(10 min.)
Tal 5:9—Paano an seksuwal na imoralidad minaresulta na ‘maiwara mo an respeto kan iba’ o an saimong dignidad? (w00 7/15 29 ¶7)
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Tal 5:1-23 (th leksiyon 5)
4. Pagpuon nin Pakikipag-ulay
(3 min.) PAGPAPATOTOO SA PUBLIKO. Imbitaran sa Memoryal an saro na bakong Kristiyano an relihiyon, asin gamiton an jw.org tanganing maghanap nin lokasyon kan Memoryal na harani sa saiya. (lmd leksiyon 6 punto 4)
5. Pagdalaw Liwat
(4 min.) PAGHARONG-HARONG. Kan nakaagi nindong pag-uulay, inako kan kagharong an imbitasyon sa Memoryal asin nagpahiling nin interes. (lmd leksiyon 9 punto 5)
6. Paggibo nin mga Disipulo
(5 min.) lff leksiyon 16 sumaryo, rebyu, asin gibuhon ini. Pag naghapot an tinutukduan sa Bibliya kun may agom si Jesus, ipahiling saiya kun paano mahahanap an simbag. (lmd leksiyon 11 punto 4)
Kanta 121
7. An mga Dapat Gibuhon Para Magdanay na Malinig sa Moral Pag Nakikipag-date
(15 min.) Pagtukar.
An pakikipag-date puwedeng mangahulugan na “ano man na aktibidad na diyan an sarong lalaki saka an sarong babayi nagtatao nin panahon para magkaibanan saka magpahiling nin romantikong interes sa kada saro.” Puwede ining mangyari pag sinda kaibanan nin sarong grupo o sinda sana, hayagan o patago, personal na magkaibanan, paagi sa telepono, o paagi sa text. Para sa sato, bakong libangan sana an pakikipag-date; sarong porma iyan nin pag-ilusyunan na seryosong lakdang sa pag-agom. Ano an mga dapat gibuhon kan mga indibidwal, hoben man o may edad na, para makalikay sa seksuwal na imoralidad mantang nakikipag-date?—Tal 22:3.
I-play an VIDEO na Paghanda Para sa Pag-agom—Part 1: Handa na Daw Akong Makipag-date?—Excerpt. Dangan ihapot:
Taano ta dai nguna dapat na makipag-date an saro kun dai pa siya handa na mag-agom? (Tal 13:12; Lu 14:28-30)
Ano an naapresyar mo sa kun paano tinabangan kan mga magurang an saindang aking babayi?
Basahon an Talinhaga 28:26. Dangan ihapot:
Ano an puwedeng gibuhon kan magkailusyon para malikayan an mga sitwasyon na tibaad matentaran sindang makagibo nin seksuwal na imoralidad?
Taano ta marahay na pag-ulayan na nin patiinot kan magkailusyon an mga limitasyon sa pagpahiling nin pagkamuot, arog nin pagkaputan nin kamot saka paghadok?
Basahon an Efeso 5:3, 4. Dangan ihapot:
Ano an dapat na isaisip kan magkailusyon kun manungod sa saindang mga pinag-uulayan sa telepono o online?
8. Pag-adal sa Bibliya kan Kongregasyon
(30 min.) bt kap. 24 ¶1-6