ABRIL 28–MAYO 4

KAYAMANAN NA YAON SA TATARAMON NIN DIYOS

1. Dai Na Pagsabihon!

(10 min.)

Dai na pagsabihon an mga bagay na makakakulog sa saimong “kapwa” (Tal 11:9; w02 5/15 26 ¶1)

Dai na pagsabihon an mga bagay na nakakapabaranga (Tal 11:11; w02 5/15 26 ¶4-5)

Dai ipangistorya an kumpidensiyal na mga bagay (Tal 11:12, 13; w02 5/15 27 ¶1)

Duwang brother na nag-uulay sa Kingdom Hall. An sarong brother nag-iistorya nin negatibo manungod sa saro pang brother na naglalakaw paparani sa sainda.

HUROP-HURUPON: Paano an mga sinabi ni Jesus sa Lucas 6:45 nakakatabang sa sato na likayan an nakakadanyar na pananaram?

2. Espirituwal na Kayamanan

(10 min.)

Tal 11:17—Paano kita nakikinabang sa pagpahiling nin kabuutan? (w18.11 30 ¶4-6)

An simbag mo
Anong espirituwal na mga kayamanan sa babasahon sa Bibliya sa semanang ini an gusto mong ihiras?

An simbag mo

3. Pagbasa sa Bibliya

(4 min.) Tal 11:1-20 (th leksiyon 5)

MAGIN ANDAM SA MINISTERYO

4. Pagpuon nin Pakikipag-ulay

(4 min.) IMPORMAL NA PAGPAPATOTOO. Maghanap nin oportunidad na sabihon sa kaulay mo an nanudan mo sa nakaagi pa sanang pagtiripon. (lmd leksiyon 2 punto 4)

5. Pagdalaw Liwat

(4 min.) IMPORMAL NA PAGPAPATOTOO. Ipahiling an sarong video na yaon sa Toolbox sa Pagtutukdo. (lmd leksiyon 8 punto 3)

6. Paggibo nin mga Disipulo

(4 min.) PAGPAPATOTOO SA PUBLIKO. Mag-alok asin ipahiling kun paano ginigibo an pag-adal sa Bibliya. (lmd leksiyon 10 punto 3)

PAMUMUHAY BILANG KRISTIYANO

7. Dai Pagtugutan an Saimong Dila na Makaraot sa Katuninungan

(15 min.) Pagtukar.

Huling bako kitang perpekto, makakataram talaga kita nin mga bagay na dai dapat sabihon. (San 3:8) Pero, kun pirmi tang iisipon an mga konsekwensiya kaiyan, makakatabang ini sa sato na dai sabihon an mga bagay na pagbabasulan ta sa huri. Ini an pira sa mga puwedeng makaraot sa katuninungan kan kongregasyon:

Bakong tamang paghambog. Nanunungod ini sa pag-umaw sa sadiri na puwedeng magresulta sa pakikipagkumpetensiya saka pagkauri.—Tal 27:2
Madayang pananaram. Nanunungod ini bako sana sa pagputik kundi kaiba man digdi an tuyong paggiya sa saro na makapagkongklusyon nin sala. Maski an sadit sanang pandadaya puwedeng makaraot nin tiwala saka reputasyon ta.—Ecl 10:1
Tsismis. Mayong saysay na pag-urulay ini manungod sa mga tawo saka sa buhay ninda na bako man talagang totoo o naghahayag nin pribadong mga bagay. (1Ti 5:13) Puwedeng magresulta iyan sa iriwal saka pagkabaranga
Anggot na mga tataramon. Ini an dai makontrol na pagpaluwas kan satong namamatian laban sa saro na nakakulog kan satong buot. (Efe 4:26) Puwede ining makakulog sa iba.—Tal 29:22

Mga eksena sa video na “ ‘Halion’ an mga Nakakaraot sa Katuninungan—Excerpt.” 1. Si Emily saka si Celia na nakatukaw na magkaatubangan sa sarong café. Pighihiling ni Celia an social media post ni Haley sa cellphone. 2. Anggot na tinataraman ni Haley si Celia sa parking lot kan Kingdom Hall.

I-play an VIDEO na “Halion” an mga Nakakaraot sa Katuninungan—Excerpt. Dangan ihapot:

Ano an nanudan mo sa kun gurano kapasil na maraot kan mga sinasabi ta an katuninungan sa kongregasyon?

An simbag mo

Para mahiling kun paano naibalik an katuninungan, hilingon an “Makipagkatuninungan . . . Asin Pagmaigutan na Mapagdanay Iyan.”

8. Pag-adal sa Bibliya kan Kongregasyon

(30 min.) bt kap. 25 ¶14-21